四月。

對我黎講，好似好重。
以前四月要預備五月考試，好重，
後來啱啱畢業無耐嘅四月，第一次分手，好重。
到今年嘅四月，八叔過身，好重。

重在係生命裡面要承受更多，每次都怕自己今次受唔到，
雖則捱捱下就過左，不過就似係場哀號，除左考試，重提都怕。

分手呢回事，今日就係兩年，曾經話過兩年後再見，
所以除左本身嘅事業以外，技藝我都好著重，希望唔好生疏。
每次以為自己克服到嗰種背叛同冷漠，就會諗起從前嘅溫馨。

再講下八叔，佢結過兩次婚，兩次都失敗，
或許係命定，如果我係情癡的話，八叔就係情聖，
癡情到每個月四日假連住放陪老婆，其餘返足工，
幫八嬸屋企還債，買樓，照顧個唔係親生嘅女，
長年累月積勞成疾有癌症，患病其間八嬸話唔鍾意嫲嫲煮飯，
所以病住都煮比八嬸食，後來病好八嬸覺得照顧唔到八叔就離婚，
八叔就轉埋退休金個名比八嬸，後來八叔復發兼中風，
本來生活唔錯嘅八叔，因為個情字連公屋都無資格住。

我諗都唔算係壞話，或者，係用情嘅最高境界呢……

ok講下作品
long time no see 柏詠，對上一次見我仲係長頭髮，下一次見應該會長返
非常感謝，一個月通常只會應約一次，今次留左比我！
日系內川倫子風
 


加推一張黑暗，死亡意味較重嘅，諗起有親人過身就抒發下。

然後隔日後就又約過，
本身諗住去遠啲，但係太晏喇。

或是，因為種種原因再合作嘅機會比較低。
年紀大啲會好啲，講真。

 

今期精選

精選，差不多每次只影一張，影完就收

當然呢三張都係新買嘅新寵，ring light，唔算大盞，可以更大，好想用佢黎試影人呀……
唔知係咪每日所餘嘅時間唔多，鋪排一大堆嘢之後，執都懶，直出算了。

project RealG打正旗號後第一輯相

其實之前同crimson, stella，甚至係瑤瑤影嘅都可以放入RealG相集，
只要相片有故事說，就可以放入。
不過同啲老師父交流，明明雄心壯志後來已經打沉，
一般曬相鋪，人工十幾年都無加過。
靠一般出去接job，價又壓得低，做又做餐死，
anyway，相集呢，出到就出啦。

攝影，主要我唔係想要影性感，而係嗰種真，
當然有好幾類target容易講到故仔，
有小朋友、少女、情侶、中年漢。
家中芷瑜比我影得非常多，而且對影小朋友有心態，姿態更係隨意，
而對外搵少女，（或是情侶，sor其中一個係做佈景陪櫬比較多）
pose較為公式化，行可愛又得，扮cool又得，
如果叫麻甩佬扮可愛，容乜易扯火mon都打爆你
到有返一定嘅程度先容易叫得郁幫外冷內熱嘅大叔。
因為大叔們多數都覺得，「我後生都玩過，我叻過你。」
由面上嘅紋，可以講大半生曾經風光過，再捱苦有待東山再起。
要是記述到一個故事，相嘅味道可以更豐富。

所以RealG係第一步，
叔叔們呢……只要比佢睇到誠意，
唔會阻佢地太多時間，實會樂意幫手。
不過喇喎，我唔想到時連我都變埋大叔都仲未做到。