近來與珮而聚會一下，同樣地很疊馬
星期四飛返日本，想深入交流就無咩喇。

cafe幾好，即咁，如果有機會，搵個model上去影，不錯。

之後有VIP劵入場睇世界冠軍賽，再搵eric kwok影相，全球限量版球拍。

夜晚走多場
爸爸45週年小學聚會
食就唔會話點食，都係走黎走去影相。
 

講完近排搞咩，講下心態。

對於前路，眼光甚至短到放眼係年幾前就要出嘅片，或者係想搞嘅project，
都覺得有些少氣餒。
我發覺我向前走嘅動力，不如教會所說的有盼望有光照，
自願去推進嘅，大多都係仇恨、不甘、傲慢，更會以報復為主要動力，
去除惡念，咪自欺欺人啦，
雖則由寫作歌路畫風再去到攝影作品都以黑暗風格為主，
但係由我創造出，就有啲幽默。
我只希望可以走出自己嘅格調。

 創作這回事，很疲累，
尤其被逼成長，以及全職工作剩低嘅時間，
已經攰到hihi。
當飲食要講究之後，
又會唔會甘心重頭黎過捱麵包。

我唔知道，係頭一年仲有不停練跑，到傷左隻手勁跌watt，
再去到一返屋企勁爆seed整自己想要嘅嘢，
到而家攰到想死，有飯聚有返學之類，
返到屋企有時連電腦都懶得開，我會唔會離夢想愈黎愈遠。

不斷有後起之秀，因為我承認，
係早幾年超越嘅前輩，今日就有後輩過我頭，
可能係對生活無乜負擔，呱。

說唱家，歷史我唔太熟，想做係想做，
可惜近排都無練任何嘢，連歌都無寫。

用左咁多年時間累積咁多作品，無得sell我啲skill，
連剪段片都可以剪成年幾，
開始懷疑，我係咪咁廢，
咁多創作係咪只係不停日以繼夜地打J，
每個高手係成為高手之前都會懷疑自己嘅，
但當過唔到關，過往嘅就全然白費。

如果唔想放棄技藝，我諗需要放棄追女仔成家立室，
又雖然，極有可能係講緊廢話，到遇到啱嘅會追到手，
或者嫌上次死得唔夠慘，比人追多次。

錢都係其次，問題係要時間，要好長時間溝通，
拍拖三五七年，到結婚之後幾十年，
不過，個樓價咁都唔駛諗結婚，
三十而立，我諗已經無呢個時間，甚至應該過左搵個伴侶嘅年紀，
距離三十仲有幾年，我又可以點呢？

係我傻仔啦，每次決定專心去鍾意嗰個，都係失敗告終。
就算話而家仲係眾人面前提起好朋友，噢。就算係已為人妻亦好，
唔係講啲咩放不低，而係佢只要係香港，
我都會盡能力擴闊佢嘅圈子，或是，等佢有需要就搵大家幫手，
他朝有日同我反目囉，都有班可依靠嘅朋友分擔。

踏出社會要深深明白無永遠朋友呢個道理，
就算唔係永遠敵人都會有條刺，我諗係得老婆仔女先會無隔夜仇，
所有朋友，有心比啲惡作劇趨，都會報復，無一個例外，
若然我要朋友感受當時嘅感受，唔好怪我搞屋企人同鄰居。
可能嗰陣係無心嘅，但係到我就有心記住囉。

我呢，想繼續畫畫rapping影相，
以及為自己曾經講過繼承父業習武找數。

當我改變原則，放棄啲古怪脾性，思路唔再咁跳去做人，
有朝一日會見到我keep住短髮，生生性性成家。