好唔爭氣，嗯。

早幾日，我又搵返瑤瑤，
都只係whatsapp幾句，
例如忙唔忙之類，想搵佢影輯相之類。
當然膽粗粗咁試，換黎當然係痛，好痛。

可能佢覺得，事隔咁耐，應該會無嘢，
但係我覺得好傷。
好似本來差唔多好返嘅傷口，又穿多一次。
佢已經好就我好婉轉咁拒絕，無意之間嗰種骨，好哽耳，
雖然依然溫柔。

一路以為自己跨過左，又回到最初的起點，哇頂你丫…

識得欣賞靚女又如何呢，用情深到非要廝裂心肺不可，
我都有專業旁身，人人以為吃香嘅專業，點解生活可以有如吃屎般。

係我唔敢去識新朋友，唔願接觸女性，
對舊朋友多左些少防備，因為我怕會鍾意以前識落嘅女仔，
約出黎影相，都會嘅，練習下人像技巧啫，要搵食嘛，
不是食女，係放入CV有人欣賞嗰種。

同個平庸嘅大叔咁上緊，返工放工，食完就瞓。
我呀…唔想咁。

一日唔走出，一日都係個圈入面兜，
有啲怕愛上呢種自虐，
或者只留係嗰陣停留嘅感覺，
但有邊個唔係鍾意回味緊當時先咁多乜嘢紀念。

係佢扮得叻定係我特別蠢，
我諗都無必要猜度，就係嗰種，硬橋硬馬式，
「我鍾意你」，「我都好愛你」嗰種直接表達，
唔需要考慮身分，唔用金錢去衝量，
或者就係咁樣，佢揀左個重遇返嘅人，愛得比我深。

whatever，乜嘢其實自己一個更開心，呢啲講笑就得，
講真就唔係咁講。

我都想安定，同時又係追逐夢想呢一環，
太長、太難、太高、太奢侈。
而家用幾分鐘就可以完成嘅嘢，花左以年計嘅時間研究。
或者，係香港追夢，唔係咁易做到。
又可能，係女朋友令我慢慢停落黎，做一世牛工。

自從開始做之後，似乎無邊刻放工，
放工後，同爸爸對話離唔開工作。

高月入，其實都高支出，
搵唔返以前嗰股喜悅，喜歡嘅都變得物質，數據化。
曾經日頭返工，夜晚又返，再讀書，返到屋企寫歌詞畫畫，
不過難頂指數甚高，最慘係體力愈黎愈少。
只可係一個體拜只可以揀一日練其中一範。

sweet到不得了嘅時光，用文字記錄的話實在太長。
不過阿，都差不多兩年，
係想拍拖嘅，不過唔太想係朋友之間落手，
即係起碼唔會話刻意去追先，其他順其自然啦。
過多排，我會抽到身，壓抑感情呢，發覺唔差得去邊。
咁大個人，鍾意咪鍾意囉，有乜問題，
同樣地，鍾意還鍾意，我希望情人歸情人，朋友歸朋友。