數數下呢個blog都用左將近十年，呢十年我搞緊咩呢。

又不算一事無成，係無車無樓，但對相機品質到技術品格，
要求已經超越一般人，甚至去到sir級，
但我無論正職定年資，都暫時未夠格，
係用心去影，加上有藝術觸覺先可以互補一下。

講返，細個唔想大個做建築物，因為自知無呢範細胞，但最尾都係做左，
每逢有相機要用，我就變左御用攝影師sosad

 
細個都無諗住大個會識畫畫，而且仲要用電腦，慢慢一步一步，
又識少少咁啦，手繪就不如跳樓算啦。
有好多無諗過嘅事發生左，學識左，唔識講。

要講下拍拖，大概由98,99年開始鍾意小公主，
一直到12年打算抽身唔可以再忍，同年識到位女朋友，再強調，係dream girl形態出現，
我諗唔係自己要求高，係忍住唔想亂開始啫。
係啦，本來諗住畫三個，寓意住可樂有三個版本

其實，除左個background係同女朋友去過嘅cafe之外，
畫中主角，sorry，真係唔係瑤瑤，嗯，
應該咁講，我好鍾意女仔個頭中分。
遠係讀書時代已經咁同好朋友講，
係嗰期我並無話比其他人聽鍾意女仔咩髮型。
好可惜每個知道有呢個人存在嗰陣都會估我畫緊佢，
唔係呀……呢個到底算唔算係一個大敗筆…

 
情人節一條友去摩天輪，毒到出汁，
無嘅，其實都係為左博筆獎金返黎，如果唔係都無咁大動力去，

然後撞到同事拍緊拖，嗱又戴頭盔喇，呢個係人地女朋友，我幫手影咋。

之後嗰晚同親戚食飯，嫲嫲過身之後都好少可咁齊人。

 

 嗱，思念好恐怖，
夠膽發夢嗰陣出現，日頭又唔見，
當然，我都知嗰啲唔係預知夢嗰類，
有嘅大多都發生左，係戲院、公園、cafe之類。
don't know，2014都好少發生呢類夢境，
或者係過左23歲而大量減少？學說是這樣說，不清楚真相。

成日無啦啦痛一痛，都咪話爽皮，
然後又諗下而家鍾意嗰個，我頂，人型分裂，
同時，我亦都選擇避開，
我諗係會有比較，但係比較邊個會痛啲，
唔敢去單獨交談，因為怕自己再觸電就大煲，
泥足深陷呢，就只會愈黎愈痛。
上一個都痛到咁離譜，而家位心儀對象呢，都係避下好。
再者預左大家撕裂，無以前咁老友好過以後無朋友做。

如果，識得控制自己啲感情，
唔識講會唔會成功，話會，就係工程行業上得到好大成功，
話唔會，就係無左對美感藝術感嘅追求，
我嘅志向係電影業，所以，唔識講，
起碼無嗰種少年十五二十么心么肺嗰種神經質，
會變得無同情心呱，
好似好多暇想，
嗯，咁講，諗無聊嘢總好過打丁嘅。