係呢段日子裡面，似乎一切節日都輕於鴻毛，
從前唔過問政治嘅紛紛表態，以及朋友，甚至親情間出現決裂，
我唔明白，今次點解會咁，同樣係關乎福祉，同樣係香港人命脈，
點解一個咁關鍵嘅契機可以反抗都寧願選擇冷眼，甚至勸退自己人，
我都知道政治無咁簡單，就算班官無腦，
佢地背後嘅智囊團有腦，佔領運動昇華，
相比華爾街，香港個規模或者暴力事件都有好大對比。
若然真係類近華爾街illuminati同freemason爭名次之類，
雖然同共產黨咁上下乞人憎，但係今次決定企係mason嗰邊。
咁樣甚至可以將局勢扭轉，而家我呢一輩，因為政策傾斜，上車實在太難。
為著大家，mason佢地比共產更懷柔，就算想用異端無神論類大多透過歌影視宣楊，
等大家認為無問題，而共產，係用到半夜拆大教堂，你話會企邊邊先，
反佔中我唔介意，但係理由唔好用到影響經濟，家人無法團聚，出面好亂之類嘅廢話，
無去過現場，係唔會知實際情況係點。
或是，佔中係28號已完結，而家係叫做雨傘運動，
但我鍾意叫遮打運動，始終對雨傘加上革命一詞有啲抗拒，
雨傘係神秘學研究經常出現，佢代表住一個人。
而且，我剪短左頭髮。
是咁的，我剷到…都幾短下，原本想再短啲，但恐怕寸草不生。
「你失戀呀？」、「你係咪非禮阿婆？」、「你係咪坐監黎？」、
「受左咩刺激？」、「咁捨得呀？」、
「人地話長髮為君剪，你又為邊個？」，
之類啦，有好多相似嘅說話。
其實，我好唔捨得。
剪左當比啲頭髮休息下唔駛成日紮住，
我係為左信仰留長，同樣地為左信仰剪短，
或者會覺得我做埋門面嘢好傻仔，但係當繼續實踐所立嘅約，
我相信我可以學到更多嘢，
若然係話猜度上帝心意，um…開頭無嘅，之後似乎愈黎愈多嘢係因為個頭而學識，
所以就開始估上帝想我點，同埋幾時完左呢個約。
或者隨時完得，睇下幾時忍唔到。
古代猶太人留長，並唔係一件型事，
反而會覺得可恥似女人，同樣地，亦都係同基督的新婦呢句嘢match，
屬神的人。
由於要緊記所有拿細耳人規條，
不時都會溫習下，唔係全部守哂，
例如食葡萄製品，食刺身，唔飲酒，
不過仍然會點醋飲酵素，但係兩範我都唔太鍾意。
話雖如此，我不如教會弟兄姊妹咁守規矩，
甚至我會奉行用武力，講句好普通嘅說話都加粗口，
比唔上初期拿細耳人有超獨特嘅智慧或具備極高武藝，
或者咁講，要為自己所做嘅行為負責。
剪髮，係我有極強殺人意念，
應該可以歸咎於七警察毒打社工而有嘅念頭，
有幾日咁耐，我就知犯左規而要剪，
嗯，超級唔捨得。話唔捨得就唔剪，咁留黎都無謂。
而且，呢兩個月都覺得唔開心，
成日都好悶，好易忟，好易嬲，唔係話想諗嘢諗得咁負面。
但係做乜都唔如意。
| 
