近來病到HiHi，食左藥兩個禮拜，中西醫急症都睇埋，
好返少少，但仍未斷尾。
啱啱病發嗰陣屋企附近排唔到西醫，拎支枇杷膏出黎頂檔，
um，如果見到個日期，幾年前會好興奮嘅，而家無了。
ps:係呀，過左期架。
之後幾日，一返到公司門口血如泉湧，係咁噴血，成身都係排埋急症，
好跨張呀，係公司對出嘔左pat血漿，洗手盤亦洗到清潔姐姐作嘔，
捱左半日冷氣再開埋啲無用嘅藥比我sosad
再來係老早約左模特兒小姐，本身想推，好唔舒服，
食左藥個人乜都唔記得。
 
但不知係模特兒小姐專業，還是我本身只剩下攝影，
蝦碌累贅之餘，出黎個效果好靚。
尋晚做左個加重負擔嘅決定，有朋友要江湖救急，佢託我幫佢賣錢，因為佢放極放唔出，
驗屍咁驗部機，比我想像中還要低價，全包有鏡頭袋，有kit鏡有火牛連16 gb sony sd card。
之後決定送比爸爸
佢好似好開心（因為係我送），
而且部機好合佢心意，我都希望佢會喜歡。
又話說，
朝早發左個夢，一個好夢，
我見返瑤瑤，復合返，每日都好恩愛地生活，
一齊解決大家面對嘅問題，勸服佢同我一齊返教會。
老實講，我直頭唔想再醒返，由呢個夢繼續發落去。
但係都要相信自己，仲有機會，奇蹟係留比懷有希望嘅人，
好打並不足夠，要捱得打先可以有最後勝利。
| 
