每次惆悵，或者行完walk海底奇兵咁嘅款返到office，
睇返啲相，好有feel，精神哂，會說話的眼睛阿…

以及枱頭呢張，得閒就抹，得閒就望，
啲光靚到呢…嗰時女王望我多過望鏡頭，
係佢公司影左一段時間，
好多嘢，默示就好，唔講嘢，只對住大家傻笑。

對眼一望，靈魂就似比佢吸左入去咁，
有好多零碎嘅記憶，閃下一段，閃下又一段，
其實，對住小公主，以全盛時期計，心最多都係噗噗跳，
女王的吸引力很致命，然而行為也很致命。

只好硬著頭皮打份人地認為係「正經」嘅工，
再向女王證明，錢，我話有就有，一向講得出做得到，
我話愛人，會養人，就一定實行，
或者妳唔會信，我而家係官啦。

打份工，只為繼續實踐夢想，唔低頭。
最終目標，係娶到女王過門，做個有個家嘅說唱家。

 今個禮拜studio暫停，
暫時鬆一口氣，執下自己嘢。

工作一天比一天難，沒法子，
要幫輕老爹，考到個牌再諗電影事宜。

今日開始佈置自己個位，
若然有時間會帶埋啲玩具返去公司做擺設。

有好多同事都走埋黎睇，
而有一個同事啲說話搞到我唔係咁開心，但我諗佢應該無心嘅，
見到啲相都唔駛問係咩朋友啦？係呀，而家唔熟呀，咁你想點？

睇返啲相，有少許想喊。

個人黎講幾鍾意呢張，可惜曬相鋪推光左些少。

就咁啦，唔講太多，
有得見住啲相，已經唔錯。
象徵攝影師與摸特兒的身份，帶相片上班。