把聲好hardcore。
播左八百幾次，一個禮拜狂聽，
然後發現有啲位唔夠火，
呢三日入面，屋企無人就錄，
始終父母係度，唔係咁好意思，亦唔夠放。

咁多個版本入面，都唔及upload嗰個demo好，
明明有一次係試到滿意，偏偏爆哂mic。

女王聽廣東詞就好似我聽英文歌咁，
要聽好多次，對住份詞一路播一路睇先會明。
而我寫啲詞唔止多，押韻密，乜嘢雙聲三聲四聲韻，
我已經玩到成句都押，
所以女王會唔會聽，識唔識聽，
會唔會聽多次，係另一個問題。
而最大原因，係佢唔鍾意聽hip hop。
何況，佢唔同我，
佢好少上facebook，唔似得我呢個facebook控。

要假設，有好多，
假如決絕地分手，大可以block哂我所有可以聯絡到佢嘅方法。
如果分手只「做返朋友」黎完結，應該無擁抱拖手等環節。
例如如果我服兵役，佢無必要買茶葉去送比我阿媽。

如果佢無去旅行…

無嘅，人地話愛情係盲目，即使唔係盲目，
知道去脈、知道後果有幾傷、有幾唔值得愛，
一樣會繼續，我要顧嘅係佢嘅名譽。

有返咁上下成熟都知，
就算唔係港女，只要人地say no，
都唔會有一日迴光反照咁同我一齊返。
只有令自己變得有條件有能力，
自自然然有女人埋身啦，但，
我只係要返嗰一個。

覺得我係吹水唔緊要，
我話過再有同樣情況，一定紋身。

我比較慢熱，一旦夠熱喇，就會進行到底。

 ayo.

返到屋企想過返啲相去電腦，順手update，
之後就咁樣：

呀，我頂你。

update途中被firewall block，之後就要我部電話restore……
由七點搞到半夜兩點幾，到最尾買左個software碌card。
無啦啦無左兩舊幾水。

女朋友…始終唔係話識左好耐，雖然我係了解佢，
只係…我驚唔記得佢個樣，時間耐左，就淡忘。
我好驚，連我同女王嘅合照都無埋…
一個男人發姣功力唔會低得過女性，我就係一個例子，
最多係朋友面前會話「佢以前都好鍾意呢啲架…」，
「借妳個身黎睇下條群，配落佢度一定好鍾意。」
或者擺出一個尋死嘅樣，發姣都未算太過份，
因為我對於其他女仔，真係無乜啲奇怪嘢，
人大左，返工放工係嗰邊實見到靚女，
好可惜連望多眼都無興趣。

我仲鍾意叫佢做女朋友，唔鍾意叫前度，
即使佢當我係我唔當佢係，
趁後生唔應該花太多精神係呢啲事上面，
但係講同做，明顯係兩回事。

本來諗住11點前畫好，拖到我又臨天光先完成

 
將真實情境，再重現返。
我真係…好掛住，好掛住女朋友。

兩個真係試過咁樣係張床度就咁望住幾分鐘，
好得意架，女朋友好多問題問，有深度嘅，可愛嘅，
又問我係唔係真係第一次拍拖，
又問我可唔可以應承啲嘢咁，但我係嗰刻無答

承諾一旦輕易出口就唔罕有，除左早啲瞓之外，
其他都有做。

好想有個機會…再黎過…