正式出街，但仍然係demo，
唔記住個flow嘅話，就同嗰堆寫滿歌詞嘅廢紙一樣，
一直抑壓話無事，我就連飲杯水都諗住提佢飲多啲水。
日頭照樣，入夜就不得了。

兩個月係咁，一到月頭就發作得寧舍犀利，
係月頭一齊，係月頭分開，痛到…

唔係想人地同情我，可憐我，
呢啲嘢，就由自己吞左佢算數。
我都想呻出黎，又唔想怪人，
如果對佢有負面影響，我只好硬食。

ok，講歌詞。

基本上，第一段每一句歌詞，都係我同女王之間講過嘅說話，
而將大約意思句子重組，變為英文，之類。
頭兩句佢係有講過嘅，用中文，
而之後我叫佢唔駛同我道歉，唔好同我講點解會撞返，我唔想知，
我係不知不覺間改到佢脾氣，但無諗過要改變佢嘅性格，
就算佢有無變到，我一樣會支持住佢，
當拒絕嗰陣總會話自己變左，啲對白熟到咁嘅，下話？

我無責怪過佢，無嬲過佢，無後悔過愛上佢，
畢竟承諾要雙方都同意先算有效，
就算係單方面吩咐嘅唔食薯條我都戒左幾年。
我點會唔聽女朋友講呢？我會盡我能力對佢好，
而我，真係好想好想返轉頭…
即使係再分多次手，就係分手之前倒帶，再由頭黎過，
而巴絲打們話佢唔要得，話佢花心，我又何嘗唔係呢…？
係拍拖期間，總會諗心入面另一個會點，
呢層，我地溝通過，我地有異心，
但係我從來無答過佢係咪真係放低左。
又插入一句平時同佢行街時佢嘅反應，
當我開口向佢講唔再單思小公主時，已經太遲，
除左想見返女朋友以外，一直係度諗自己衰乜嘢，
係衰要唔坦白嘅地方坦白左，要開口講嘅地方淨係用行動表示，
都只係衰時間啫，唔關女王遇唔遇返佢初戀事。
難得一個咁似自己嘅人一齊過之後分開，只係相識時間問題。

第一段意思就咁
主要都係圍繞住我地之間嘅對白，
而第二段就講絕望如何蠶食我，
死又死唔去。心入面兩種心態，
又有隱晦地講之前比朋友擺上枱要賠錢，
拍片炒左，crew四散之類嘅附加因素，
得知夢想同現實爭咁遠，雖然，
將來睇返會覺得好濕碎，但係而家覺得係難捱就係難捱架啦。
我都知自己呃自己唔係辦法，但一諗返轉頭，
每次話同人交心諗住講道義嘅，
倒頭來都係自己一廂情願，
生活係咁，友誼係咁，感情都係咁，
同一件事每次都衰超過一次，下次仍然會再奶嘢。

好囉，到bridge，將甜蜜片段好好記住，
唔想唔記得，我點都要keep住堆相，
唔係女王出現，我未必肯去主動，高速咁成長。
而我地似乎都有共識，除非佢再分手，否則唔會返轉頭，
咁…我都知，呢啲係hea我嘅藉口，到真係分手，又未必會記得我。

點都好，我唔係留戀嗰種感覺，
我只係愛佢，如同愛自己一樣。

今日終於做左個一早就應該做嘅禱告，
既無益，又上癮，希望真係能夠棄絕。
以後唔好返黎搵我。

而且，希望唔好無啦啦壞哂埋寶貝。

又係禱告段時間裡面諗，
既然上帝准我同女王一齊，
之後發生一連串意外而分開，
又會咁啱分手無耐邊個電話都唔接唔覆，
偏偏有一個電話搵我就覆，發左幾句晦氣，
以記憶入面好似嗰次第一次向佢發炆憎。

長氣再講多次，
我肯應妳都算係咁上下，妳面子不少。

知道我戴綠帽嘅人，都話佢衰，又話玩我，
唔知點樣講可以幫佢兜呢…
有個傻豬仔仲因為我比女飛有兩晚瞓唔著。
既然係上帝准許，結局就分得快過新幹線，
我除左幹之外都唔知講咩好。
啱呀，我識嘅耶穌成日都係咁玩嘢，
老細mode「我求下你唔好玩我啦，X你」。

女朋友同我勁似，唔係講玩，亦唔係神化，
只係要搵相似特質，多到不得了，
或者係太似，所以要分開呢，唔知阿…
只係度諗，要學識去捨棄，亦都要話人知要捨棄，
將來會復合機會極微，而佢嘅出現，係一個學習。
旁觀者清，已經嘗試盡量抽身去了解，
無咁多巧合，比電影更荒謬，
我覺得，一定有寓意，輸波賴地硬嘅話，
要我怪女朋友，倒不如我直接怪上帝啦？
嬲人好白痴，但同一番說話就…er……更加白痴。

我地兩個曾經講過下夢想，
佢專做我model，我拖住佢就只會影佢，
佢想做幕前，我想做幕後，
佢負責唱，我rap。
或者，一列列都要告終，
係帶住唔願意又好，做唔到又好，
我地曾經，都有住同一個目標，
而且我好希望，係未來嘅日子，佢會睇到我成功。
佢放棄左，唔緊要，
繼續上路，我將會肩負一齊有過嘅夢。
責任呢家嘢，負得起先夠man，
如果唔係都唔需急住操好個身子，
趁阿爸仲教到我就好學哂堆拳譜佢。
雖然而家先認真學係有啲遲。

或者要去幫屋企手，由最低做起都勁好pay，
每日就要過住朝八晚六嘅日子。
我都唔知，但…真係要認真考慮。