話說今日，好特別。

其實一早都知會見，係爭在有無通知我，
finally 有。

真係好耐無見喇，好朋友。

無乜嘅，一年前同一年後見返，
態度唔同左，佢啲頭髮有返黑色，
我啲頭髮比一般MK還要長，就咁。

大圍一齊食飯都有嘅，成村人都夾定，
有人阻我，有人約佢食，
其實當面約佢講一句都唔難啫，都廿幾歲人，怕咩羞。

然後，夾夾埋埋一齊食飯嘅比平時仲要多，
anyway，佢地多數都係想睇我有咩反應。
是但啦，當識多個朋友啦，
成班人呢…虛偽到核爆，扮哂乜都唔知咁問人嘢。
成枱十幾人，有啲人知就知，唔知就唔知啦好嘛。

或許唔同左，好朋友愈黎愈知道我有幾瘋狂。
而且好似好惡，um，上年都係咁同我講。

如果…我都可以係女朋友面前惡得起就好…

態度唔同，在於我唔再追嗰位好朋友，
直接，做好朋友就算，日子已過，再追已經無左嗰種癮。
甚至，兩個人交談時，我講左好多無人知嘅嘢佢聽。
大家知大家事，妳好了解我啲脾性。

今日又聽到同一番說話，到底，你地係咪睇同一type戲大？
係咪嗰種性格似，氣質似，說話都差唔多？

見返還見返，開心還開心，鍾意還鍾意，唔追，就唔追。
其實女王係咪都會咁諗，唔翻兜就唔翻兜，
唔知阿，好難一概而論。
個感覺好似食火腩飯加青島咁，我好迷茫。
 

 開始呻笨。

點解同女朋友一齊嘅時候唔多啲寫日記記住所有日子。

火燒心，又黎喇。

頂多陣，我就可以有新歌詞出。

然後，拍多段片，得就得唔得就唔得，
或者，係有生之年最後一條自high片，
之後，就讀返書，跟阿爸搵食，
唔知點解係呢一刻好想，
係五十年後想家族係呢行可以有一定名望。

有錢，就可以出多啲片，請人freelance拍嘢，
之後出歌…出拳賽，之類。

女王想要霸氣，睇下之後點。

因為一個女人瞓唔著咁多晚，白痴。