我真係好敗家。

首先，我唔係想好高興好雀躍地介紹新買返黎嘅嘢。

心情真係好差，或者係源於構思緊好多嘢，
好多嘢都限死左做唔到，更唔可以憑己力完成，
或者今鋪都要聯手，我真係好弱雞。

搵到個啱嘅partner，能力可以數十倍咁上，
最大問題搵係搵到，但因為工作，
到而家都未正式坐低慢慢傾一次。

啱，無論我每次拍親嘢，個cast都有其他人幫，
做歌，有人幫我做個底，係爭mixing同mastering，
就算幾raw，都叫有人幫。

度緊期，度緊劇本，度器材，度緊歌，或者學業，
好多嘢都諗緊，實行緊，儲緊，
要專門一樣就一定無可能，呢度係香港。
係要做到周身刀但係無張利嘅狀態。
讀啲科唔係好多，但係就成日忙住忙住。

可能交完assignment，成個人就開始頹。

除左本身想要個amp，係我今日真係好沮喪，
一諗起某個人，總會有種莫明嘅失落。
有丁點兒怒氣。
總無理由搵人出氣發啲咁嘅無名火，
反正嬲人都係罰自己，哇，呢嘢自插真係好痛，
又無左一大筆。

之前似乎未嬲完，買左枝新鏡，而家未退哂，又買左amp，
我到底搞咩。

其中之一，本來係上個月九號寫（開始寫），
寫下寫下，呢度要搞嗰度又有嘢做，
最後搞到月尾先搞掂，早前再睇返，
完全唔掂，又要重頭再黎，詞不達意。

太易嬲，用黎發洩嘅錢愈黎愈多。

希望星期一會真係清哂啲令人跌倒嘅感受。

做得幾多得幾多，之後繼續熱血。