申報，我並唔太鍾意睇火影，
幾十集動畫只抽幾集黎睇，
睇漫畫明明上一期死左，下一期又話係替身，
到夠鐘死嗰陣就一蕉收狸皮，睇都睇到變火滾忍者，
呃你咁多期，咁都忍到，
到而家斑一招死人復活又出返哂黎，what the
下下都話卓羅查克拉，呢頭明明打死左，
打中真身喇，又話頭先係幻術，
我頂你，咁樣同小學生作文作到識飛，
臨尾黎一句頭先原來係發夢，我改卷實行比啱啱合格算數。
哎，相比火影，有啲想睇one piece，不過呢，唔習慣路飛把聲，
感覺係無閑做主角，比卡超識講嘢咁，真係唔慣，十幾年，到而家都未睇。

個人比較鍾意鹿丸，日向家族，八尾，雷影等等，
不過今次講呢隻

  
Lee 小李

一個十分平凡，樣衰，堂眉可以拎去炸春卷或者去整壽司，
係忍者世界，佢無鳴人咁好彩，有個做火影嘅阿爸，無天份，
甚至無卓羅，基本上，佢乜都無，只有師父，同練習。

佢無一般忍者有嘅才能，由於唔係呢方面嘅天才，
佢有另一樣嘢比人叻，唔係唔怕黑，
係比其他人有百般忍耐，我睇，佢真係一個忍者，
一個戰鬥狂，為左證明唔用卓羅都可以做忍者，一直死撐都尾，
明明都已經夠樣衰，點解追唔到櫻呢，
睇住自己鍾意嘅女仔鍾意第二個，技不如人，唯有忍囉。

由啱啱開始到到而家，唔計卓羅應該勁過好多人，就黎拍得住八兩金，
因為小李有比一般人有更強嘅不屈。

明日間真人係石修

八兩金又點會唔係阿凱

我呢，當然會好似李咁努力，唔駛開八門喇，
本身唔駛開我已經係景門，笑話唔好笑。

無限熱血！

臨尾埋牙，回帶