我轉貼嫁!!!!!爆笑 =0= 我有個FD 單眼皮、眼細、鼻高、頭髮中長，身型唔太高(176cm左右) 但係有肌肉。 基本上，我可以話有90%相似Rain。 首先，佢自阿Rain 呢股韓風開始襲港果陣已俾人話佢口熟面熟。 跟住最近日日都俾人話佢似，番工放工總有女仔眼啤啤(但唔係善意果隻) 連放假落街打鋪機，都俾隔離D o靚仔昅到實，之後仲"噗噗"咁笑。 就o係Rain到港，Fan瘋狂之際，噚日終於出事。 話說佢噚日放工，照常o係尖咀食飯行陣搭車番屋企。 跟住佢就係食完飯之後去行街，甫一入某商場o既一間飾物店， 迎面而出o既一班打扮入時o既少女突然大嗌：「阿Rain呀!?」 之後我個FD好有禮貌咁笑住搖搖頭。D女仔就話：「佢會唔會唔識聽廣東話呀？」 跟住我個FD就話：「Sorry我唔係。」 班女仔o既神情，即時由好驚喜好開心，變成黑面、西面、眉頭緊皺。 我個FD繼續睇野，點知班女出店門果陣就話： 「吊！好心唔好扮阿RAIN啦！唔知醜…」點知一個未講完另一個又起： 「咪係囉，學人扮阿RAIN，因住仆街呀！」 第三個就話：「走啦，唔好再講，費事晏D D人真係以為自己係大明星呀，佢咁扮係為左引人注意咋嘛。」 我個FD，即時由想睇下野買野o既心情，直線下跌，連飯都想嘔埋出黎。佢唔開心左成晚，諗左成晚…佢R晒頭：「阿RAIN都係咁樣樣咋喎…」 好喇，今時今日有個明星同佢咁似，香港仲要喪跟風，香港女仔都迷上左阿RAIN果陣，佢即刻好開心咁同我講：「呢鋪冇死啦，一定翻身啦，個個都話佢靚仔，原來而家D女仔鍾意番眼細細同單眼皮o既，我實搵到個靚靚女朋友喇…」