又有n咁多日冇打日記lu...

今日去咗沙田個度練長跑...

唉...放假都要人練長跑(仲要隔1日練1次)...好慘呀...

今日1點幾個陣,長跑隊長打電話比我,佢話如果等陣落大雨既話,就唔駛去練,個陣真係好開心,好希望等陣會落大雨,點知......唉......

去到沙田..點知呀sir遲到..D男仔係到串佢 '' 唔知邊個之前叫我地唔好遲到既呢 " ...

跟住我地就跑吓..跑吓..不經不覺就跑咗1200米(呢D都係熱身)...做完熱身,就係到拉筋...

之後又跑吓..跑吓..不經不覺又跑咗2000米...好慘...

跟住個miss叫我地跑樓梯(仲要25次)...好慘...

之後又要我地跑...不經不覺又跑咗1200米...好慘...佢地都傻既..要我地跑咁多...想收買人命咩...

終於都跑完啦...不過跑完之後...隻腳超痛,就連行路都痛(因為我地差唔多跑咗6公里)...好慘呀...

都唔知後日仲跑唔跑到...唉...

有n咁多日冇打日記lu...

今日係day E..平時我會覺得day E好悶..但係今日唔知點解我唔會覺得悶...好奇怪呢...

英文x2~~Mr.Lam係度教書..佢最近上英文堂個陣經常講中文..同以前好唔同..(唔知佢係咪鬼上身呢??)

小息~~冇野做...悶

歷史~~聽林sir講故事..經常講講下就突然變咗好大聲(姐係佢本來用一個正常既聲線講野,跟住就無lala好大聲講野)我心血小,唔嚇得嫁...

科學x2~~上咗去實驗室做實驗..

午膳~~食完飯,就同黃凱靖上咗去5樓打籃球...

中文x2~~有D悶...不過都唔及以前悶...

R&S~~Mr.Lam叫咗好多人出去presentation..好多人唔合格..好彩冇叫我...真係好好彩..

放咗學就去咗小食部食野...食完野就番屋企...

今日又要係屋企做功課....

今日下午,我同我呀媽去咗黃大仙廟,今年D人比上年D人少咗...

首先,呀媽去買咗一包野,就去咗拜神,拜神個陣有勁多煙,我見到有好人都係度流眼水(包括我呀媽),但係唔知點解,我冇流到眼水,而且我隻眼係一D感覺都冇,真係好奇怪..我地拜完神之後就去買咗D吉祥物番黎..好靚...

今日唔係幾開心...

今日我好遲起身...起身個陣唔係覺得好肚餓,之後我呀媽就問我去唔去同姨婆個D人飲茶,我話唔去,之後就得番我自己一個人係屋企...

大約過咗兩個鍾,我睇到有一大堆人係我門口出現,我呆咗,之後走去開門..原來佢地係姨婆個D人,雖然我見到姨婆個D人,但係就見唔到我呀媽..跟住佢地入咗黎,我唔知做咩好,只係希望呀媽快D番..唔到一分鐘,呀媽真係番咗黎..我真係好勁...

到咗下午,呀媽本來話今晚番福建,點知佢話番黎既火車票比人買唒,最早都要年初九(姐係26號),但係26號我要番學,所以我地決定唔去,唉...

今日又係不停做功課...

今日有D人黎咗我屋企...所以我又收到好多封利是...好開心

今日下午,我呀媽去咗我舅婆屋企拜年..我冇去,因為我唔想去,況且我有好多功課做...

到咗我呀媽番黎之後,佢無lala話同我,我呀公,我舅父一齊去佢鄉下到玩..個陣時我o唒嘴...

之後就好快咁執野..好快咁上咗大陸..又好快咁去咗買火車票個度...

點知今日D票比人買唒..運吉既..好無奈...

之後我呀媽又問我地仲去唔去,佢話如果去既話,就要買廳日既火車票...

個死人舅,唸咗成個鍾...好無奈...到最後都話要去...