有兩日冇寫日記lo...其實係唔得閒寫,而且係冇野好寫...呢兩日不停做功課..不停做功課...D功課又難,又唔想做,唉...

今日,我同我呀媽去買衫,行咗好長時間,D衫褲唔係貴就樣衰,我發覺衣家買D岩我著既衫褲,都幾難買...

到咗夜晚,我表哥,表姐同我既鄰居一齊黎我屋企食團年飯..今日有好多野食,所以食得特多,一共食咗3碗飯,真係好勁...

食完團年飯之後,我同我表哥一齊搞我部電腦,之後搞搞吓就去咗睇電視,跟住我表姐就入咗我間房,我見到表姐係度搞我D野,個陣時我有D嬲,未問過我就用我部電腦,未問過我就睇我本記事簿,未問過我就搞我部電話,咩都未問過我就搞我D野...好嬲呀!!!

佢地成10點先走...我舅父同舅母比咗幾封利是我,未到過年就比利是,真係好怪...

我係度祝各位情人節快樂!!!

今日去咗學校隔離個籃球場度練波...

練波個陣,黃凱靖成日走錯位,所以成日比Cathy吵,個陣時,我見到佢個樣好無奈...

之後番到屋企,屋企冇人,又冇帶銷匙..好黑仔..於是我落街行吓..行咗接近1個鐘先至番屋企...

今日做咗幾樣功課,仲有十幾樣,有排做呀...

今日係新年假前既最後一日番學,所以特別興奮...

今日係DayE,係我最憎既一日...

英文x2~~係度作文,作咗1百50幾個字,作完之後岩岩好打鐘放小息...

小息~~冇野好做,周圍行吓...

歷史~~係度講書,唔知點解我衣家對埃及D野好有興趣,所以上歷史堂唔會覺得悶...

科學x2~~去咗實驗室做實驗,好好玩...

午膳~~食完野之後,Chicken Alice話冇帶locker鎖匙,所以陪佢去見興叔...

中文x2~~又作文,作咗大約400字...今日已經作咗兩篇文,真係慘...

R&Sx2~~做咗個qiuz,之後要討論,討論個陣,丁峰同謝旻洛係度搞我D頭髮,比佢地兩個煩死...

放學去咗小食部做功課,做做吓做咗去M記,跟住番咗屋企...

今日成七點幾至起身..差D遲道...

英社~~本來話要默書,點知係到教書...之後Hugo比阿sir話佢有Reptilia病毒,跟住成班係度笑...

音樂堂~~老師要我地分組數白欖,結果得個7.5分...

小息~~麥皮老鼠攞星島日報上黎..跟住成班人去搶D星島日報..個場面好搞笑...

地理~~好悶..老師係度搞埋唒D好無聊既問答比賽..結果輸咗...

通識~~好搞笑..係度玩遊戲..做畫劇個陣,我地個組好搞野,最後我地贏咗,好開心...

午膳~~冇野好做...

英文~~勁悶,冇野好做,之後Mr.Lam比時間我地做功課,佢好少會咁...

中史~~仲悶過英文,好想訓...

周會~~搞咗個頒獎禮,有好多奬都係1C..上完周會,洪清眼又係度吵人,好無奈...

放學之後,去咗小食部做功課...

今日9點幾就比我呀媽嘈醒咗...好慘..

比我呀媽嘈醒咗之後根本就訓唔著,所以起咗身,其實咁早起身都唔知做咩好...好無奈...

下午,我同我呀媽一齊去咗樓下個間髮形店度電咗負離子...電個陣好悶,佢地D雜誌又冇野好睇,勁想訓教 之後佢係度整D類似膠水既野係我個頭度,覺得好噁心 ...電完之後,佢話最少3日唔可以洗頭 我諗,3日唔洗頭一定好臭...