琴日凌晨睇左套戲叫The Butterfly Effect
睇完好唔開心
p.s.個人認為第II輯唔好睇
原來一個好細微既決定可以影響好大
好似廁所既水龍頭同洗手液咁
擠好少既皂液開好細既水都可以整好多泡出黎
好難會知點先可以拿捏出你理想中既結局
究竟 結局係一早就定好左,定係由自己創造呢?
由一開始,上天就設定左洗手液既香味同水龍頭出水既方式
而搞d泡出黎就係由我地決定擠幾多皂液同開幾大水
但整出黎既泡係點既樣有幾多 係我地決定擠皂時都唔知既
際遇呢?際遇係人為定係早已定奪?
每個人既際遇唔同,就好似每次整出黎既泡都唔一樣咁
細個果陣我係班上面係頭六名
但呀媽成日都攞我同第一果個比
講到連我自己都以為自己果時成績好差
而我細佬,佢從來都冇試過頭十,
但我媽成日讚佢
就也算是我和弟弟的際遇不同吧
今日肚痛左成日又比媽鬧
真係雪上加霜
除左鬧我成績差
又無啦啦鬧我成日唔開心
真係莫名其妙
講真,我又唔係幾覺得我唔開心
同時,身邊又冇d乜可以令到我好開心呀
唔喊唔笑應該好正常呀
有咩問題先= =?
再者,我覺得冇咩必要要令人覺得我好開心
強顏歡笑反而會令我覺得更加慘
做人唔係應該做自己想野事咩?
點解要為其他人做埋d咁無聊既野
不過,你中意既話,我都唔會阻止,亦都阻止唔到
又好似d比賽咁,規矩係由人定既
你硬係要將呢種規則套住自己
甚至套係人地身上,可能係一個毫無意義既動作
執著係分數上高,因為人人都追求高分
而令到自己唔快樂
若果你中意咁樣,你或者會覺得好有意義
可能,規條唔規條,
同唔同人比,
喊定笑,
開心唔開心,
不一樣的際遇,
下決定,
擠皂液,
有時係你控制唔到既事
但只要你中意的話
再無謂的,只要是你喜歡的
那就行了
若你喜歡的話,就想想你到底是否喜歡這樣的過
若你不喜歡,就不喜歡吧,反正你喜歡不喜歡
我也要繼續活在這個我不太喜歡/不滿意的地方
寫完我喜歡寫的偉論
|
