今日終於正式番學喇
好多科都派左卷
希望失望有望冇望盼望絕望.......

不過簡兄一入班房第一句話我唔知點解會有好深既印象
佢話:[每日都係新既一頁]
又好似講得好岩咁
咁我又洗唔洗改下qooza個設定做每日新一頁呢xp

仲有,佢今日無啦啦講講下份卷叫我..
仲話咩我係粒"新星"
都幾愕然
同埋...
個名好怪= ="
雖然我好中意比人讚,
但係對於係咪做得起呢粒"星"
我其實真係冇咩把握
唔知呀
有邊個唔想入大學呀
但叻過我既人多的是,更何況我而+又唔係勁
做咩都是鬼但咁,點有資格同人比
佢講既呢句話真係極度影響我
之後果幾堂對既卷真係慘不忍睹
再加上佢講果粒"星"
真係極級諷刺
咁樣一來一回,
個差距大到................心情....
直插谷底
(完全受佢影響orz)

放學,開會...
呢個指定動作由考試後無聲無息咁入侵左我既生活喇
/............\
不過,其實我都幾中意放學之後開會
最重要係考曬試
上堂又唔會有太多野要做
放左學就去秘密基地度開秘密高峰會議x)
我諗,如果唔係我地參加左呢個活動
都唔會有14個人逼入一個收唔到電話訊號既地方
就未必會有十幾條友十點幾(差小小)被困學校(好耐之前果次..超好玩XD
仲有好多好搞笑又瑣碎既事
令到成個中學生涯有d與別不同
我好中意
但仲有唔夠二十日
所有放學既會都唔再需要開喇
一切都會變番以前一樣
星展呢粒星將會磨滅成灰燼
撤在茫茫星海之中,沉澱
就如從未出現過一樣,消失
也許,它就在那一片繁星之中
但你已經認不出它的模樣
 

睇黎我又諗得太多喇
冇計,鬼叫我今日唔記得帶耳機...
夜媽媽冇歌聽搭車好易會諗好多野
呀,我仲諗番起今日唔小心成隻手拍落去d校董玉照度-_,-
搞到我係車度係咁笑= =
d人實以為我痴左喇,哈哈

話說琴日番學開會可能冷親
返到屋企好想嘔又手軟腳軟
訓左勁耐都仲係咁
不過沖左個涼就冇乜事lu
但個死router又係呢個時候死左
整極都唔work:@
所以,我琴晚就被迫冇得用電腦喇:@:@:@

琴晚訓係牀到諗左好多野
無啦啦係到諗我畢業之後會點...讀大學係點.......
出黎做野會做邊份工.....
又諗緊剪唔剪頭髮好(呢個問題煩得我最耐= =)
但諗左咁多個結論就係...
我都唔知自己想點orz
可能係我花心啦,咩都想試下
搞到唔知做邊樣先好

算啦,我諗我而+應該要做既係做好目前既事
顧慮咁多都冇用啦
好好享受剩餘既中學生活吧~
呀係喇,突然想同我個班d人熟絡d
唔知點解有d呢種諗法
識左佢地都有一段時間(有d仲識左五年咁多)
冇理由連佢地中意d乜,興趣係乜,平時做乜都唔知架
所以,從今日起,我想去了解下相處左咁耐既人諗乜
可能,可以再搵到更多既好朋友啦(雖然我而+已經有好多:p

*我親愛的同學們:小心被我打開你的心扉喔~!XDXDXDXDXD

YOHO~~~~~~~
我番黎喇~!
哈哈,其實我星期四已經考完試,
(考成點唔好提喇T_T)
不過因為要即刻幫手搞星展d野
差唔多日日都好攰
開電腦都係用黎做野
連fb都冇上過咁濟..sad

好啦,今日開始我又會打番架喇:D
話說呢兩個禮拜入面都發生左好多野
可以話係有d得著啦
諗通左好多野
發覺自己呢幾年一直好似蕩失路咁
一路漫無目的咁兜圈...
不過,唔記得係上星期四定係上上個星期四
經明燈既指引下,我終於行到出黎喇:)
好似搵番好耐以前既自己咁
又好似放低左一直咩住既包袱咁
亦好似係鼻塞好辛苦,之後突然間通左咁(我覺得呢個比喻最貼切XD)

所有野好似返到最初咁,
呢種雨過天清既感覺..我好中意..
哈,可能你唔明我講緊乜啦
總之,F.1時候既我返左黎喇~!(繼續唔明)
當有日你病左,鼻塞既時候,你就會明架喇XDXD
 

已經踏入一月三號
COME ON~!
我親愛的考試
為迎接考試
相信呢兩個星期我都唔會打QOOZA喇
大家唔好太掛住我啦~
就算我戰死試場
我堅信總有一日會係天堂重遇架
除非我落左地獄啦

希望大家都考試順利!
期待下次再見果陣會係
懷著愉快的好心情~
byebye:p

幸福的東西通通都會蒸發
難堪的東西偏偏不會腐化

岩岩睇完叱吒..
始終都係中意以前用電視機睇
好快就要考試喇
問心我其實都想考得好
但奈何我每次都只係講唔去做
又會好冇計劃咁去溫書
好失敗呀!
點算好呢而家...
呢個不良習慣由細到大都冇變過
但點解我到呢兩三年先有種愧怯既感覺?
無奈我意識到就算有呢種感覺
我暫時都唔會諗辦法去改
因為好多野係2010走左之後
又再次係我腦裡面湧起
呢d係咪就叫做回顧...
睇黎我真係諗得太多喇
好啦,要把握僅餘既時間溫書
呢幾日我都抑鬱夠了
大家都要加油呀!!


想抓緊十歲的夢
不小心墮進黑洞
除非...