我已剪短我的髮  剪斷了牽掛
剪一地不被愛的分岔
長長短短  短短長長
一吋一吋在掙扎
我已剪短我的髮  剪斷了懲罰
剪一地傷透我的尷尬
反反覆覆清清楚楚
一刀兩斷  你的情話  你的謊話

因為今日剪左我D本身好長既頭髮 =="

今日考中史....唔好提喇..死哂,,

仲有中文聆聽...太快....寫唔切><

考完就去左搵亞哥喇....做咩搵亞哥!?

緊係搵佢做佢擅長做既野喇...

剪頭髮...!!都應該剪剪佢喇...因為好長 --"

剪到前面D陰既時候...我無理佢周圍望..

之後望一望...見到一個平陰既我係塊鏡度 =="

我話唔制....唔鍾意..叫左佢好耐先肯幫我剪返碎佢 =="

佢話平陰好睇喎...(我唔覺既)..我問佢咁點解你又唔幫自己剪平陰..

佢話佢D頭髮唔夠長..我話等到長,先一齊到佢再剪平陰...佢先幫我剪返碎...

剪左個幾鐘頭,,,果間鋪佢先做左無耐...佢之前都唔係呢度做既!

剪完實左係太眼訓...所以去左媽媽度訓覺..!

之後去左流金歲月(元朗嘉城對面一間樓上既上海餐廳)

食晚飯...有家姐..亞哥..哥哥(家姐男朋友)DADDY..亞E...&我!

補返父親節晚飯!!!!!!!!!!

一坐低望到格離台有一個好熟口眼既人...

我一望就認得佢...因為佢實在係一個好得意既男仔..!

佢就係教我小三英文既老師.....我無叫到佢呀..

我認得佢姐...我D平平凡凡既學生佢邊度認得丫,...!

叫左好多碟送呀....係唔錯既..幾好食..但非常貴.....=="

埋單既時間...600幾蚊...嘩 =="

跟住亞哥拎左一張優惠卷出黎...75折...

我問佢係邊度拎咖...佢話係我個老師比佢既..

原來鐘SIR認得我...仲走埋黎問我...「你以前係咪讀校友會小學咖???      係呀!!        咁你認唔認得我呀??

         認得...你係鐘SIR丫嘛...               係呀...我都認得你^^」

哈....跟住佢就走左喇....BYEBYE~!

跟住家姐話同哥哥返亞陸按摩..就走左喇~

ANDTHEN亞哥渣住DADDY架車係元朗工業村兜黎兜去...

因為佢岩岩考左個牌返黎,,一次就PASS左喇~

話要練下喎...跟住老豆咪係格離提佢囉...

我坐係後面...我覺得...同老老豆渣既係無咩分別 =="

即係亞哥渣得好好喇^^