琴晚又傾天光啦...^^

傾到8點....呵...未試過同佑佑傾咁耐!!

訓到2點你又起身同我傾啦...

辛苦哂你啦^_^

你今日錄左<<可惜她有女朋友>>既改詞版比我聽呀..!

我會記得d詞係你特別改比我咖...

好好聽呀...講左我地發生過既事

我會記得咖啦...

可惜他有女朋友
作詞：佑佑
作曲：方樹樑＠好人有限
緊張心跳因有你　無聊節日都給我諸多的驚喜
我腦裡不斷地浮現著你　在臨睡很想致電　提示你　我是陪著你^_^
『感激多晚有你　留低開心歡喜
　如你亦　把這些當成新記憶
　明日活著　望能亦可令你想得起
　曾是愛你在暑期　誰在妒忌
　害怕他搶去了你　靈光拋低師兄
　時間亦　永不可倒退在相識
　其實　樂與悲　亦儲起　亦已經準備
　明天　能共你拖手睇戲』
通宵傾訴早已慣　凌晨午夜的感覺必定是浪漫
每晚的深夜願能陪伴你　盡談內心的秘密
唯讀你　永未覺兒嬉　Ｒｅｐｅａｔ『』
擔心失去了你　時光轉身高飛
而我亦　找不到那回憶笑聲
其實日後　在談電話亦會記得起
回味這快樂暑期　曾用絕技
令我可得到了你　靈光囂張歡喜
時間亦　永不須倒退在相識
明白　樂與悲　是與非　亦永不分離
如今　還是要專心討好你

明日　願你可　樂意於　在每朝清晨
提醒　時候也不早應該訓

我宜家識得唱啦...

知道你改得辛苦喇....

多謝哂你^_^

你宜家可以專心寫你既小說...出書記住比本親筆簽名我!!

傾到7點3你就走左啦.....><

做咩你個fd揀今日生日啵...叫佢遲d先 生啦

傾左咁耐....有開心又有唔開心啦...../.\

沒法真身拖你手 延續對望難有？？

夜晚食完飯..

我就寫埋果封信...

寫左2日..終於寫好啦>w<

佑!你聽日等收信啦!!!!

1點半又online喇我...

我知你11點半已經on左咖啦...

不過亞哥玩緊嘛...

到我on果陣我淨係見到嘉怡....=="

真係.....全晚獨個的心癢 這亦算是淒涼.........

是我嗎　夜半三點也在公開張貼壁報

我做好多野都3分鐘熱度..但無奈,鍾意你就做唔到..你條件好吧..

嘻....

多謝你今日下午特登

online陪我傾計!!!!

等到夜晚9點先同你傾到計..><

都係咁啦...用咪傾...

好采你唔厭姐^^

心驚膽顫的同你傾...

就算我驚亞哥無啦啦返黎我都要同你傾飽佢>w<

wowo..傾傾下又傾到天光^^

傾咩唔話你聽.......

今日粉紅色係特別FOR你既!!!

今日全日都係屋企呀..

做咩?同佑佑傾計囉...

呵....你地唔抵得咁多啦...

今日愛姐無啦啦出現喎....

佢同佑佑講起好多佢既野..

但係無同我講過一句喎...得啦..我知我同你咩關係!!!

我之前睇佢日記知道愛姐拍拖

果個亞言...原來係女仔黎咖 --"

我見到佢叫佢老公..等我仲以為佢又鍾意返男仔添 = ="

仲話遲D會袐密結婚 = =

做咩咁快講到咁長遠咖= ="

跟住佑佑話要打比一個佢同我都唔識既女仔喎...

= ="

我聽到佢傾到好開心喎....

我係度好清楚咁講一次...!!

我無嬲到呀~

只不過係我好似FEEL到

你同我傾電話既時候..

你班FD同疊疊..果種心情..

我終於明白點解佢要講一句..你識唔識尊重咖..!

我無嬲無唔開心呀...

只不過有D感觸咁姐^_^

喜歡你我最清楚這感覺
從前你是你　從前我是我
現在縱使不清楚我最愛你什麼
尋覓你　留住你　全憑直覺
其實我真的相信愛情的直覺
從前尋遍這天邊海角
不經意等到心中愛情主角
愛你一個　像是浪漫愛歌

想你一生也愛我一個　想你心意屬我
期望你跟我　長路也走過
准我一生也愛你一個　准我相信直覺
請將一生的幸福也付托給我
常在你心裡　愛著我

今日明明諗住8點半起身同佑佑傾計咖= =

係咪覺得我好白痴同ON嘟呢= =

最後都係無起身...

因為某d原因啦= =

之後講左12點我就要起身出街咖啦= =

點知我訓到12點半....無奈!

之後拿拿聲飛出街..

家姐係樓下商場等我!

之後就去左7仔增值..

就搭276A去羅湖..啦!!

為什麼要去羅湖!?

因為我同家姐去東門行街...!!

搭左個幾鐘頭巴士...落車..

係上水轉車..搭火車呀~

他媽的....明知我窮咖啦 = =

由上水搭去羅湖...一個站咋= =

$18.8...明恰我細路哥..啦..其實我都唔細咖啦= =

跟住..我第一次搭深圳既地鐵...

哈..勁搞笑囉...

D車飛好似一個５蚊銀咖....不過係用膠做既..

用法就係好似八達通咁嘟一嘟..

出站既時候入返落部機度咁囉..

哇...我見到既時候覺得勁搞笑囉...成個大路里出"醒"咁= ="

之後行左2個類似商場既物體囉...

入面勁暗呀...無錢開燈咩 = =

勁搞笑囉...又旺角購物中心..又九龍塘 ^_^

乜旺角九龍塘唔係香港咖咩..點會係東門咖...?^^

行行下既時候...我聽到有人播

THE MAGIC KEY呀..

有TASTE..我鍾意

嘩....D野好平咖...

就算個SALES同你開價係90蚊..

2同佢講話40蚊我先肯買..

咁若果佢係話.."無可能差咁遠咖"

而唔係"咁樣我無得賺咖喎"

咁即係40蚊你一定買到啦..

只要你話40蚊你唔賣我就走...

佢就會買比你咖啦...

我講真....因為佢真係開大左個價咖..

我淨係買左2條短褲咋...

家姐就買左2件衫...

講真..我唔係唔想買衫...

但D衫真係唔岩我著..

因為今期興 民族色彩...叫我點著哇!?

我唔係話佢唔靚...之不過係我唔著呢D衫姐..

哇..講真...呢D衫又真係幾靚..我都幫家姐揀左幾件..

之後..我問家姐做咩買咁少衫..

佢話今日上黎既目的唔係主要係買衫..

我呼問佢做咩..

原來佢話整指甲同買鞋..

咁我咪陪佢去整甲囉...

咁佢話佢整咁耐..我淨係坐係度..

會唔會好悶..我話..咁唔係點喎 = =

跟住佢就咁不如我都整埋..

我話是但啦..不過我未試過咖喎...

跟住我就同幫我整果個人講...

油透明既拍甲油好啦..我唔要有色..

跟住佢話送埋畫花花喎..

咁咪整埋囉...

我好似係第一次油指甲= ="

之後...家姐都揀岩佢心水既鞋啦..

我見佢都揀左好耐咖啦..

跟住比佢睇到一對係香港賣幾舊水既鞋..

都係賣120蚊咋...比家姐講到賣80蚊...哈

之後..我地又搭地鐵轉火車再轉巴士返屋企啦...

之後返屋企又同佑佑傾>W<

嘩．．．．！！

３點幾我先起身．．．＝　＝

點解仲遲過平時我通頂起身咖．．．

我琴晚都係４點半訓咋嘛．．早左啦！

車　＝　＝”’

哈．．．今日主要都係打返之前２日既日記啦．．

果２日去左媽咪度．．無返屋企訓嘛．．！

呵．．．今日同ＭＩＬＫＹ玩寶石方塊

明明琴日係MILKY教我先識玩...

今日同佢玩一鋪..

明明佢遠我成倍咁咋..

點知佢後尾係咁輸...

勁呀.我...4 萬幾...MILKY..你行埋一二邊啦^_^

嘩...完全唔得啦...佑佑又唔係屋企陪我傾計..

悶死我啦..如果唔係有MILKY陪我過日晨...

我要悶到做功課咖啦..

死啦...講起功課..我未做過..

慘啦...個暑假就快放完= =""

佑佑...!!!你下次要補返咁多小時比我哇,...!!!!

夜晚...有波睇喎...

皇家馬德里對北京現代////\

嘩...落勁大雨囉...

真係想大聲叫句

"發生乜撚野事情"

搞錯呀...!!

碧咸做咩鬼野扭親喎...

唔比我睇下你個衰樣...

仲有施丹啦..魯爾啦....奧雲...

仲有我既卡路士呀....>3<

車...不過都唔係好上鏡咋...

睇都睇唔過癮既><

3比2...皇馬3..例牌性地贏左...唉!