尋晚見ｄ電視節目實在無聊，就走左落街（差唔多十點啦）租碟睇，一口氣租左兩套。番到屋企先記得......我部電視色差線果個制式壞左！只可以睇到黑白同無聲片！Ｏｈ　ｎｏ！！！＞＜我唯有屈服係電腦果個咁細ｏ既ｍｏｎ之下啦........................

當晚就搞掂左「電車男」，不過無我想像中搞笑，不過我真係好鐘佢尾段對愛瑪仕ｏ既獨白，真係幾感人∼＆呢個世界上，係咪真係有ｄ咁易追ｏ既女仔架？！

今朝收到三個電話，全部都係我未醒之前打黎，我一共起左三次身＝　＝”起床後，去左ｐｉｚｚａ　ｈｕｔ同我幼稚園老師食ｌｕｎｃｈ，佢係咁話呢度果間ｄ好食ｄ喎∼跟住我就去左海禧果頭剪髮，難得去到，就‘順便’焗埋油啦，不過呢個順便足足花費左我一百四十大元正，有一半要我自己出架∼ 剪完啦，都幾好，幫我整番ｄ層次，不過......好似重手左少少喎，咁短ｏ既∼！

ｔｈｅｎ拿拿臨番屋企，睇埋「蝙蝠俠－俠影之謎」，好正！好正！好正！唔知點解覺得套套蝙蝠俠都好好睇，之不過女仔之家唔鐘意睇愛情片，而鐘意睇動作片，會唔會有ｄ......呵•••呵•••呵•••