係尋日ｏ既冷氣強攻下，我病了。

都唔知搞乜ｏ既，明明部冷氣係我右手邊，但係ｄ風就係左手邊吹過黎，唔怪得知我淨係左邊鼻塞＆狂流鼻水啦。再加上又打乞嗤又乾咳，真係就快變人乾......今次想唔瘦都幾難，我辛辛苦苦儲埋果少少脂肪又離我而去啦：＞＜：Ｏｈ　ｍｙ　ｆａｔ∼Ｃｏｍｅ　ｂａｃｋ∼！！！

今日係細佬生日，祝佢快高長大，生番多幾兩肉，讀書醒醒定定，總知唔好麻麻煩煩就得啦∼！

Ｈａｐｐｙ　Ｂｉｒｔｈｄａｙ！

呢排見到好多令人羨慕ｏ既事，連行落樓下還碟都見到一大堆，可惜我知道唔會發生係我身上，或者......或者呢世都無機會。

我都係得個恨字算啦。

呀！！！！！！好羨慕呀！！！！！！！＞＿＿＿＿＜

尋晚見ｄ電視節目實在無聊，就走左落街（差唔多十點啦）租碟睇，一口氣租左兩套。番到屋企先記得......我部電視色差線果個制式壞左！只可以睇到黑白同無聲片！Ｏｈ　ｎｏ！！！＞＜我唯有屈服係電腦果個咁細ｏ既ｍｏｎ之下啦........................

當晚就搞掂左「電車男」，不過無我想像中搞笑，不過我真係好鐘佢尾段對愛瑪仕ｏ既獨白，真係幾感人∼＆呢個世界上，係咪真係有ｄ咁易追ｏ既女仔架？！

今朝收到三個電話，全部都係我未醒之前打黎，我一共起左三次身＝　＝”起床後，去左ｐｉｚｚａ　ｈｕｔ同我幼稚園老師食ｌｕｎｃｈ，佢係咁話呢度果間ｄ好食ｄ喎∼跟住我就去左海禧果頭剪髮，難得去到，就‘順便’焗埋油啦，不過呢個順便足足花費左我一百四十大元正，有一半要我自己出架∼ 剪完啦，都幾好，幫我整番ｄ層次，不過......好似重手左少少喎，咁短ｏ既∼！

ｔｈｅｎ拿拿臨番屋企，睇埋「蝙蝠俠－俠影之謎」，好正！好正！好正！唔知點解覺得套套蝙蝠俠都好好睇，之不過女仔之家唔鐘意睇愛情片，而鐘意睇動作片，會唔會有ｄ......呵•••呵•••呵•••

尋晚又唔記得打日記啦，點解我會咁架？∼＿∼真係百思不得其解，唔通我份人真係咁ｏ既∼？算啦，過左去ｏ既就由得佢過去啦，唔打番啦∼

講番今日啦，一早就帶左細佬去打鼓，ｔｈｅｎ買今晚食ｏ既送，再趕番屋企洗地，洗完就叫嘉ｙｉｎｇ上黎做ｂｉｏ啦。今日我地兩個似乎係度鬥眼訓，我不斷咁放蚊，咁仲唔係我嬴？！做呀做，做到五點幾都未搞掂，實在頂唔順啦＠＠”決定下星期繼續！而家我都仲好想訓，可惜我又要煮飯啦→

ｚＺzzＺｚＺZzZzｚｚＺｚＺ.........

唉......尋晚又唔記得打日記，事關我掛住搵關於唐山ｏ既資料，同埋蝦ｏ既結構，ｆｏｒ中化ｐｒｏｊｅｃｔ同ｂｉｏ　ｄｒａｗｉｎｇ　ｒｅｐｅｃｔｉｖｅｌｙ，搞到都幾夜，跟住我又好眼訓，一熄電腦就衝去訓，咪唔鬼記得打日記囉＝＿＝點知今日又唔畫蝦囉喎，改左畫魚，搞到我之前搵果ｄ野毫無用武之地∼

今日做野做到氹氹轉，係學校走黎走去，真係要我老命∼放學仲差ｄ行唔到番屋企添，詳細做過ｄ乜野就唔打啦，因為我真係好攰，無晒心機打野，成身就黎散，睇黎我呢兩日都逃唔過病番一場ｏ既命運架啦......