天氣點解可以咁無常，朝早都仲好鬼熱，到左黃昏，就連寒冷天氣警告都出埋。雖然已經可以一早預測得到，但係憑人類o既科技就只可以做到咁，無辦法改變天氣，人始終要順應自然而行，逆天而行不如順從天命吧啦∼

就好似我咁，功課始終都要做，唔做又會唔識，學唔到野，到頭來咪盞玩死自己，受害ｏ既唔會係其他人個喎，所以我都係乖乖咁去做功課吧啦∼！！
努力呀∼∼∼
　
•＼　　　／•　　　
　　　^

雖然今朝輸左比甲寅，但係下晝同汪汪、阿清同嘉ｙｉｎｇ去街街，開心也∼

用＄１８０買左”夏天要用的東西”，好靚呀，我驚唔捨得用＝　＝”（遲ｄ一定屈阿媽買多ｄ比我∼∼Ａ＿Ａ）跟住去左食＄１２雲吞麵，都幾好味，再飲左杯＄５珍珠奶茶，不錯∼^^

好滿足ｏ既一日∼

終於等到星期五啦，今日真係成身散晒咁濟，好攰呀＞＜

聽日仲要無得訓，７點半就要番到學校啦，鬼叫ｃｈｏｉｒ要比賽ｏ羊，聽日就係我中學生涯最後一次以ｃｈｏｉｒ名義，幫學校出賽架啦，梗係要搏老命啦！唔係點對得住自己＠＠”

今日係兩個幾禮拜以黎，用左最多錢食飯ｏ既一日，１８大元正，飽飽∼不過又慳少左啦＞＜

朝早番到學校先知原來放學要練歌，我無帶譜......而且連講野都走走地音，星期六點決戰甲寅？！

義婷妹今日要比賽，你要加油呀∼∼！！

好攰好攰，想休息一下，但係又要不斷督促自己努力，人點會唔係一種自相矛盾ｏ既動物。

「走過的路，是一串深淺不同的腳印；寄出的信，是一張收不回的心情。」