放左學見無聊，就拎左阿媽本雜誌黎睇，咁岩比我掀到星座果版，咪睇下囉，呢樣野一向對我黎講都幾準架∼不過今次就有ｄ唔同，唔係準，係１００％　＆　ｅｘａｃｔｌｙ準，中晒我想做ｏ既野，實在太驚嚇啦！！！你都咪話唔驚......

尋日唔記得左打日記......算啦，唔打番啦∼

今日要去好多好多地方，做好多好多野，洗好多好多錢......　T____T
首先去荃灣，然後去觀塘，都係拎ｄ訂左ｏ既野，跟住係旺角花墟（我一共搭左２個鐘地鐵，腳都軟），我好豪氣咁買左三棵空氣草，ｆｏｒ　ｂｉｏ　ｐｒｏｊｅｃｔ之用，又買左四粒唔同色ｏ既珊瑚蘭球莖。而最後呢站沙田真係激死我，個死人ｓａｌｅｓ打電話果陣又話可以幫我ｓｅｎｄ隻錶番廠整，點知去到又話唔得，要我自己拎去錶店整喎，真係無啦啦徙鬼左我去一次沙田ｏ既車＄＄，仲比我發現左Ｂｌｏｏｍ同Ｒｏｇｅｒ　＆　Ｇａｌｌｅｔ係西田個ｃｏｕｎｔｅｒ唔知去左邊，咁叫我以後去邊度搵番佢地黎買野......返上水之後，就拿拿臨去舊墟搵錶舖整番我隻愛錶，ｔｈｅｎ買送，買ａ４紙（無我買開果隻呀，激死！）

一陣仲要洗地，煮飯，做ｐｈｙ......呀！！！唔制呀！我好攰呀！！＞＜

今日總開支：＄３６０
睇怕有排跟義婷妹食貧窮餐啦：＞＜：

本黎諗住早ｄ起身出屯門行下，點知訓到過晒龍，成十二點幾先起到身，乜都未食就走左去搭２６１過屯門，去到都成兩點幾ｌｕ∼餓到差ｄ暈低，咁就梗係拿拿林搵野食啦，求其係吉之島買左個餐食就開始行啦。兜黎兜去行左幾個圈，又想買裙，又想買背心，又想買碎粉＆　ｍａｋｅｕｐ　ｂａｓｅ（發姣......＝　＝”）乜都想一餐，諗左好耐都唔知買邊樣好，樣樣都又平又正，你話住係屯門幾好呢∼最後，我決定買ｏ既係......一條短褲！哈哈，算係不枉我用左＄２４來回屯門啦∼！^______^

尋晚做ｂｉｏ　ｒｅｐｏｒｔ做到鬼咁夜，好彩都趕得切交，唔洗扣分∼呵呵∼
但係就累我今朝遲左好多起身，連早餐都食唔到，雖然唔係好眼訓，但係就好肚餓。好啦，終於挨到ｌｕｎｃｈ就有飯食囉喎，食到飽飽上ｐｈｙ，但係放學返屋企餓到我乜咁，手都震埋＝　＝”唔知係咪因為我騰上騰落，幫ｓｕ搞活動呢？

哈哈，姓賴啦我∼^^
其實邊關事ｏ者，不過唔係ｏ既話，會唔會係因為我大食左？

今日個個講野、表達能力都出現左ｄｄ問題，徐ｓｉｒ如是，肥鴻如是，我當然不能幸免......