晨咁早起身帶左細佬去打鼓，之後去食早餐，吃飽飽就搭車去阿清屋企做ｂｉｏ　ｐｒｏｊｅｃｔ，由於得一部電腦ｏ既關係，我地要輪流做野，我負責貼左幾幅圖之後，就全程吹水啦，估唔到懷懷真係個個都吹得餐＠＠

中午去左桃源島食「恐怖」午餐，阿清碗飯有條ＸＸＸＬ ｓｉｚｅ菜蟲，好彩唔係我果碗，如果唔係耶穌一定成面飯（我實噴飯＝　＝”）雖然我果碗無菜蟲，但係ｄ菜度有張膠紙，個ｗａｉｔｒｅｓｓ完全扮聽唔到，激死∼！決定以後都唔去果度食飯！！

今日去左剪髮，搞左我鬼咁耐先走得，因為間ｓａｌｏｎ好多人＠＠我等左好耐先搞掂∼∼唉∼＞＜

好彩都剪得幾好~^^

唉呀，中英文oral大敗呀，死定了......

病左，不過唔係我喎，係我細佬。好慘呀佢，鼻塞塞到訓唔到，又聲沙，睇完病仲要食藥丸一大堆，雖然我平時好憎佢，不過睇住佢咁辛苦，我都唔係好舒服咋，唯有呢排對佢好d啦，係呢排架咋∼！

今日繼續無聊過，下晝幫手拆左部抽油煙機，真係油到......黐立立，好核突！遲ｄ裝番部新ｏ既，成個廚房一定當堂唔同晒。跟住就發左一陣白日夢，發完之後就打電話比......ｓａｌｏｎ預約剪髮，有焗油送，好野∼∼∼

今晚整我最拿手ｏ既豉油王五花腩，香濃惹味老抽，加埋又林又滑五花腩，一個字，正！！！！

現在開始煮飯∼∼∼

今日考完ｂｉｏ之後，就無晒主科要考啦，跟住就去左旺角行下啦，因為無諗過買野，所以帶左好少錢咋，點知我又睇岩左好多野喎，詳列如下：

鞋－－＄４０（抵到爛啦，引死我∼＞＜）
錶－－＄３ｘｘ
手鍊－－＄１８
銀包－－＄？？？（貴到唔敢問）
耳環－－＄４５一隻

結果我一樣都無買，得個睇字，鬼叫我無帶錢（其實呢個都係我唔帶錢出去ｏ既原因......）得個恨字