今日終於返黎啦，攰到我隻”野”咁，等我總結下呢幾日做過ｄ乜啦：
２７／１（年廿八）－－起程去廣州，三點半出門口，係火車站比低ｄ野人就上車去羅湖。過關呢，就兩邊都唔算多人，因為我兩邊都過ｅ－道
 。不過買火車飛就濕滯啦，我四點兩個字去到，竟然只係買到五點半ｏ既飛，搞到我係廣深火車站企足成個鐘（因為候車室根本無位坐），差ｄ發霉......幾經辛苦到左ｇｚ，就搭地鐵返屋企，成八點先返到去，咁ｏ岩趕到同屋企人食飯。
２８／１（年廿九）－－訓到九更先起身，跟住同阿媽細佬落左「好又多」←超超”大”超級市場，有成三層，行到腳跛，仲收穫豐富。ｔｈｅｎ返上屋拖地，拖完就去酒樓食年夜飯，我鬼咁快就食完，見無無聊聊咪拎ｄ功課出黎做囉，點知比人讚我勤力喎，其實我不知幾懶，只不過唔想係度發ｏ牛ｏ豆之嘛......
２９／１（年初一）－－晨咁早就有一大班人上黎拜年，我都未訓醒就出左廳逗利是，係屋企磨到三點左右，就約左家姐去街街，去完江南西，就轉戰上下九，兩個都想買短裙，可惜無功而還，家姐就話啦：「揀裙果陣就諗起無ｂｏｏｔ點襯裙，揀ｂｏｏｔ果陣又覺得無裙點襯ｂｏｏｔ，搞到兩樣都買唔成。」我：「＝口＝”」呢晚行到１１點幾先返屋企，我全日都只係做左一樣野：呃野食！因為家姐出黎做野ｌｕ∼ｗａｋａｋａｋａ∼∼∼
３０／１（年初二）－－按照傳統，今日係阿媽返外家ｏ既日子，我好乖地一早起身洗埋頭，十二點就到左阿婆度ｌｕ，呢餐年年都咁豐富，豐富到ｄ野食三日都吃唔完＝ ＝”之後全家去大姨媽屋企，表哥表弟掛住打機，我悶到乜咁，足足望住屋外邊缸錦鯉成半粒鐘，好鬼無癮ｏ既一天......
３１／１（年初三）－－赤口也，不過今日按我地屋企傳統（麻煩......）要去姨婆同大伯屋企拜年，夜晚就要同伯父一家食飯，年年如是，無乜特別。
１／２（年初四）－－同表妹行街睇戲，睇左ｋｉｎｇ ｋｏｎｇ，好感人。ｔｈｅｎ一口氣搞掂左北京路、流行前線＆上下九，收穫係青蛙擺設四隻，再加對腳痛到傻＞＿＜
２／２（年初五）－－乜到無做，係屋企ｈｅａ＆發夢。
３／２（年初六）－－今日一早（八點零啦）隔離屋開勁ｈｉ－ｆｉ，嘈醒左我，真係想過去摑把佢，好彩之後收歛左，我又繼續訓過，十二點起身，落樓下吃左個牛肉腸粉同皮蛋瘦肉粥，就起程返來ｈｋ，我今次竟然買到最後一張兩點半有位ｏ既車飛！今年實有運行啦，ｙｅａｈ！過關好多人，不過都唔算耐，五點就到左屋企，全程用左四個鐘。
今次返去係收穫最少ｏ既一次，不過我都拎野拎到傻左，而家攰到死死下，仲有大堆功課未ｄｏ添，死啦！！！！！！ |
