我一次又一次提醒人不要無視我的說話，
是因為我不愛那種被人視如無物的感覺，
除非當我是個無關重要的人。

我要人遵守對我的承諾，
是我不願意被欺騙，
也極討厭被騙，
那些不能信守的承諾，
不如不要許下。

失望+忿怒。

尋晚發夢，帶一個人上樓梯，果條樓梯非常殘舊，不過好親切，正正係我廣州果間屋ｏ既樓梯，我係住六樓ｏ既。
開頭我一路向果個人介紹呢度係邊度，一路帶佢上去，好似好興奮咁，果個人一路都無出過聲，不過之後佢突然捉住我隻手，竟然變左佢帶我上去，我亦都無再嘈嘈閉，靜靜地比果個人拖住行。我感覺到佢隻手異常地溫暖，係果種暖入心ｏ既感覺，好溫馨的，奇怪ｏ既係我平時對住呢個人，係絕對唔會有ｄ咁ｏ既感覺，係夢中，佢就好似變左另一個人。
之後發生ｏ羊事我已經唔記得，只有果種溫暖，係我醒左之後依然留係我腦海。

果個人係邊個，只有我知道，唔好嘗試去問。
我敢肯定無人估得中，所以亦唔好嘗試去估。

ｔｏ某人：答應過人的事一定要做得到，若果做不來，就不要輕言承諾。

Ｐ.Ｓ.　今日係情人節，祝大家快快樂樂∼

一早頭都未梳就返左學校練choir，點知上到music room得果小貓三四隻，早知訓多陣啦∼＿∼

練完ｃｈｏｉｒ，勁肚餓，原來唱高音真係要好用力架＠＠
同汪汪出沙田食ｌｕｎｃｈ，去「風月堂」，我好耐無去過啦，ｄ野食都無乜變過，一樣係咁好味^＿^無令我失望，當然，價錢都有番咁上下啦，呢ｄ野梗係ｐｒｏｐｏｒｔｉｏｎａｌ　ｔｏ質素架啦，所以我同汪汪就各盛惠＄６５。

酒醉飯飽之後，就梗係娛樂ｏ既時候啦，所以呢就去睇「賊壇新人王」，結果我地笑足９０分鐘，呢套戲真係ｏ岩晒我地睇∼睇完戲就去ｃｉｔｙ　ｓｕｐｅｒ逛，所有賣朱古力同有關物品ｏ既架都逼滿晒人，我地淨係買左ｄ日式小食就走啦，仲發現原來ｄｅｓｉｇｎ真係好值錢架！！

（今日仲氹到汪汪講野∼∼ ｔｏ汪汪：好快ｄ比掩口費啦∼∼∼哈哈∼∼）

而家五點三十六分，我未食中午飯，餓到無晒力打日記，好彩今日無乜好寫......