晨咁早樓上就係度鑽野，噪到拆天咁，都唔知點解我醒左之後仲可以訓得著......＝　＝”

起身之後就煮飯食，送就係日清咖哩牛肉，唔唔，都幾好味∼
而家溫緊ｂｉｏ，不過ｄ　ｎｏｔｅｓ仲厚過本書，溫極都溫唔晒，今晚似乎唔會有得訓。無計啦，邊個叫我揀ｂｉｏ黎讀ｏ者，不過......我係唔會後悔ｏ既！鬼叫我中意ｂｉｏ喎，死都要死掂佢∼∼∼

「不成功，便成仁！」

努力！！！！！

一日到黑淨係識得鬧，我做乜你都覺得唔順超∼∼架啦∼∼∼

人地難得可以坐係度抖一陣，你就話：「做乜咁得閒，家下唔洗做呀！」到我認真去溫書做功課啦，你又話：「你將做野ｄ時間掉鬼轉黎用ｏ既，人地日頭做，你就夜晚做，梗係無得訓架！仲有呀，你好執埋ｄ碗，倒埋垃圾先訓添呀！」同時間你係度飲啤酒，ｕｎｕｎ腳。

大佬呀，家陣ｄ野奉旨我做晒架？你話你要做野好辛苦，唔同我番學唔辛苦？！自己日日訓到鬼咁晏，又唔知我朝朝天矇光就起身，我放學想瞌一陣好過份ｏ羊，你又係到鬧鬧鬧，我踩親你條尾呀，想抖下都唔得，咁樣落去我遲早崩潰加失心瘋呀，睇下到時邊個幫你做呢樣做果樣，自己做飽佢啦∼！！！！　＞＜

幾時先可以停低抖一抖？

功課、考試、家務......樣樣都要做，我可以做得邊樣，做好邊樣？到頭來，只會無樣做得好。
人係注定要庸碌一生o既生物，從來唔可以停低，直到生命盡頭。

我仲係好凍......＞＜

唔知自己做緊乜野，唔知自己想做乜野......
或者我應該乜都唔做，等自己開竅。

好凍呀∼∼∼＞＜

今日落樓下食野果陣，戴左汪汪織比我o既溫暖牌頸巾，又靚又暖入心呀∼不過番到屋企我唔捨得戴呀，所以而家好凍，隻手凍到僵晒，打字打得超慢（雖然一向都唔多快......）

無乜特別呀今日，ｓｏ無野好打哦，又係溫ｂｉｏ　ｏ既時候啦∼！