今日去幫一對兄弟補習，都幾好，一補完就有＄＄收，成＄２００蚊，兩個鐘就搞掂，突然覺得錢好易搵∼（假象......＝ ＝”）
大佬三年級，細ｏ既二年級，兩個都好聰明，都唔知點解要補習∼＿∼細佬好似有ｄ活躍過龍，一日跳黎跳去，成隻馬騮咁，搞到補得好慢∼而佢兩個都話，自從升左小學之後，就好少出去玩，例如去圖書館、公園等等。平時放學就要溫書做功課，放假就朝早溫書，下晝做功課，跟住再溫書。想玩就要襯放假阿媽起身（９點）之前，起早兩個鐘（７點）玩。
天呀∼∼∼！只不過係小學ｏ者，洗唔洗咁呀？點解唔可以比ｄ小朋友，有個開心快樂ｏ既童年？
唉......或者我唔係家長，真係唔會明∼
算吧啦，我都係比心機幫佢地補習，搵ｄ外快等自己開心下啦∼ｈｅｈｅｈｅ∼ ^^ |
