我決定唔再日日寫日記啦∼！
第一：我經常唔記得寫
第二：日日番學上堂放學有乜好寫
第三：我打字速度實在太慢，打到我無晒ｍｏｏｄ

不過，我都唔會過份到一個禮拜寫一次ｏ既，知不過我真係無野想寫果陣，會停番一兩日咁啦。

前兩日，我病入膏肓，昏睡在床ｏ既時候，突然有種厭世ｏ既感覺（並唔代表我想尋死＝　＝”），只不過覺得世界上有好多野都好討厭，特別係果ｄ日日重覆又重覆要做ｏ既事，諗深一層，其實都好無謂。點解我要勞勞碌碌，為一ｄ根本無意義ｏ既事，花費大量時間？為未來？為前途？為錢？都係ｄ好唔實在ｏ既野，無左唔一定會死，但係好似而家咁ｏ既我，就一定唔會過得開心自在。人就係咁，專要做ｄ同自己意向相反ｏ既事，或者我會有一日，徹底對世界失望。再重新發崛佢可愛ｏ既一面，可能呢ｄ就叫「置諸死地而後生」啦。

尋日又無打日記，事關我尋日ｏ既活動就係訓→醒→食→訓→醒→食......呢個ｃｙｃｌｅ都唔知重覆左幾多次＝　＝”我由星期三放學就開始病，足足四日假期都無好日子過，結果就係無一樣功課係完全做晒ｏ既，咁今日就梗係無得交啦。

唉∼∼我應該病都要做功課架嘛，做得幾多得幾多啦（雖然質素會......＝_,＝）但我點可以用呢個黎做藉口，ｏ羊都唔做呢？
我深信我ｏ既懶惰，會有一日，為我帶黎厄運......

今日放學傾左好多關於唐山ｐｒｏｊｅｃｔ　ｏ既野，大家分工情況都唔錯，希望到時真係落手落腳做果陣，會順順利利啦，如果真係一鑊泡都唔知點收科

呀∼∼∼∼＞＜！！！！！！！！！唔會ｏ既唔會ｏ既！！我地一定會做得好好睇睇，過到自己果關！！都會過到所有人果關！！哼！•＼  ／•

小龍ｏ岩ｏ岩上黎幫我整番部腦，而家無事啦，好野∼∼我又可以開開心心上網去ｌｕ∼^^

唔該晒小龍∼！！！

極度頭痛中......

係好鬼耐之前，我阿媽就應承左我陪我今日行沙田（有佢做提款機∼）點知尋晚阿媽個ｂｅｓｔ　ｆｄ打電話黎，話今朝晨早黎探我地喎，咁我就諗住唯有晏少少先出門口囉，但係果個人又遲左黎，成點鐘先到＞＜我地出到去食完野都成三點啦，咁阿媽咪話咪話唔去街囉，我就諗住去ｊｏｉｎ番＋ｙｉｎｇ佢地做ｐｒｏｊｅｃｔ，點知阿媽話我發佢爛渣喎∼咁唔係點ｏ者，我無理由陪你地係上水閒逛架嘛，要我無無聊聊之餘仲鬧我一大餐，唔通咁都係我錯？最後阿媽仲衰，話自己就夠鐘教波，要我帶佢地（加埋我細佬）去沙田，真係無數為。

去沙田都算啦，點知今日西田大減價，全場逼爆人，行都差ｄ行唔到，連透氣都有困難，我又未病好，難為我仲要看住佢地幾條友，等佢地唔好走失，搞到我頭暈眼花，今日真係一日痛苦ｏ既行街日.........＝　＝”

最憎人放我飛機架啦！！！！！！！！！！！！！！＞"＜
以後邊個放我飛機，就ｆｄ都無得做呀！！！！！！！