唔開心，因為我整完負離子後，有一把唔直唔曲ｏ既頭髮。
唔開心，因為我要自己一個去電曲。
唔開心，因為阿媽答應比我去電髮，之不過係我電之前一晚，阿爸阿媽一齊反口唔認數。
唔開心，因為佢地反口之後，仲要講ｄ好難聽ｏ既說話比我聽。
唔開心，點解我有ｄ咁ｏ既屋企人......
ｄｅｐｒｅｓｓｅｄ................
－－－－－－－－－－－－－－－－－－－－－－－－－－－－
事緣，我四月尾去左整負離子，點知整完完全唔直，只係好似做左個勁貴ｏ既焗油，慶幸我把頭髮仲未變草......一向無諗過要電曲ｏ既我，把心一橫，索性電曲佢吧啦，反正而家唔曲唔直咁核突。呢ｄ野梗係要問過阿爸阿媽架啦，阿媽諗都無諗過，就答我：「你咪整囉∼」聽完，我滿心歡喜咁去搵間好ｓａｌｏｎ、搵人陪我去電，雖然我搵唔到，但係都唔緊要啦，咁咪自己一個去囉，我平時都係自己行街架啦，有甚麼大不了∼
但當我尋晚報告我今日行縱，即係會去電髮果陣，阿媽就開始發癲啦：（我一句都無駁過，只係心諗...）
「電乜鬼呀電，而家咪幾好！」
而家個頭同我未整之前有乜分別.......好條命呀........
「唔電呀！晒錢！有錢都唔係咁用呀話！」
我儲左ｄ錢咁耐，用黎ｔｕｍ下自己開心都唔得.....我又唔係晒你ｄ錢，洗唔洗咁勞嘈呀！仲有阿媽ｈｏｌｄ住我張ｅｐｓ（我儲ｄ錢係晒入面），考完ａｌ佢話比番我，不過話左成個月都未比囉..............＝"＝
「電左好核突架！！」
我都未電，你又知核突！！？（佢咁講係因為佢後生果陣留過長髮，佢唔鐘意長髮之餘，自己電過之後就更加唔鐘意，搞到而家我留長髮都比佢日日哦，話我整到周圍頭髮（又唔係你洗地！！！！＞＜）今次我話電，佢仲唔借題發揮？！）
「電左好麻煩架！！」
煩都係我煩之嘛，你都唔知幾耐無幫我整過頭髮啦！！（無記錯係自從三年級起....）
同場加映阿爸附和：
「黐ｘ線！唔電呀！」
ｘ ｓｔａｎｄ ｆｏｒ粗口.........＝ ＝
「好靚ｏ羊？！電ｏ羊電呀！人電你又電。」
唔比我電完靚過而家呀？！你點知架！！！人地唔電我去電果陣，你又會話我整鬼整馬架啦！
呀！！！！！！！！！T＿＿＿T
唔開心ｘ１０００００！！！！！！！！！！！
成個榭晒啦我.................. |
