今日一早就起左身，因為比阿媽知道我約左人朝早，佢就乘機屈我帶細佬返學啦＞＜ 搞到我８點就係上水遊蕩，行左去「鍋貼大王」食早餐，＄１０！！只不過係＄１０，就餵到我飽飽啦，真係超抵食。９點都未到，我就到左粉嶺，係第一個到呢∼
等齊人之後（有清、＋ｙｉｎｇ、懷懷同義婷妹，小龍因事缺席）就齊齊搭車出海洋公園，落左巴士無耐，就開始落雨，天氣濕漉漉，令人周身唔舒服。
買左飛入場無耐，＋ｙｉｎｇ、懷懷同婷妹就去左「超動感影院」，我同阿清無興趣，就坐左係出面影肥雀，漲卜卜，好可愛^^ ｔｈｅｎ搭纜車上山，先去「水母館」、「鯊魚館」，再去「海濤館」，我地係入面睇魚睇左好耐，唔知點解我總係好鐘睇魔鬼魚，可能係佢游緊果陣好似飛咁，睇落好自由自在掛∼
我地跟住搭電梯落山，睇到好好好可愛ｏ既北極狐同北極狼。ｄ北極狐就係好似婷妹所言，成隻白色松鼠狗咁，ｓｏ ｃｕｔｅ！北極狼就係咁訓，我臨走先有隻起左身，係度咬木。睇完我地此行ｏ既目標之後，就順便參觀埋隔離個「兩棲動物館」，ｄ青蛙真係好膠ｆｅｅｌ......ＸＤＤＤ
因為天雨關係，有好多機動遊戲都唔開，得果幾種可以玩（跳樓機、有個轉住飛起ｏ既，唔記得左個名＝ ＝”）懷懷佢地去左排後者，我同清見到咁鬼多人，就縮沙唔玩啦，去左一個ｇａｍｅ ｓｔｏｒｅ度坐，一路係度望住個摩天輪，諗緊佢幾時開。其實果度唔比坐架，但係我地坐左係個角位度，盡量唔阻住ｄ人，個ｓｔａｆｆ都隻眼開隻眼閉，到左懷懷佢地番黎，個ｓｔａｆｆ先趕我地走。
我一起身就見到海盜船開番，跟住成班人好興奮咁衝去玩。排排下隊，點解我地四個女仔同懷懷ｏ既距離越黎越遠？因為..........有人（係好多人！）打尖！•＼／• 豈有此理，個細路仲要不斷咁叫埋阿爸阿媽埋黎，真係超無公德！
我都好耐無玩過海盜船ｌｕ∼ 玩完都有ｄｄ暈，但係無阿清咁誇，連直線都行唔到，好似飲醉酒咁ＸＤ 見佢腳軟軟，我地就就下佢（其實我都好想玩：Ｐ）去排隊玩重開ｏ既摩天輪。後面個操唔知乜鄉下話ｏ既肥婆不斷咁逼埋黎，我行一步，佢行夠兩步！都唔知ｄ人ｏ羊心態，想快就去打尖呀笨！！！我諗完無幾耐，真係有個大陸男人同佢個ｆｒｄ打尖..........超無耐＝３＝好彩係我後面。
懷懷之後想玩過山車（係舊果隻，唔係越礦飛車）但係無人肯陪佢玩喎，阿清就話比海盜船嚇親，婷妹就岩岩食左個飽，＋ｙｉｎｇ話細個玩過一次好暈，我其實無乜所謂，反正我自從越礦飛車起好左之後，就無在掂過山車，咁咪應承同佢玩囉。我地一路玩，就一路驚呼...................：「哇！！！好大雨呀！！！！」因為果陣ｄ雨越落越大，搞到撇晒落我地塊面，玩完個頭真係要重新梳過，但係個ｆｅｅｌ真係幾爽架∼ 所以呢，我地就叫埋＋ｙｉｎｇ佢地一齊，搞左一大輪之後，阿清都係唔肯玩，我地就四個再去玩多次！婷妹一路玩一路嗌到好似劏豬咁，成隻車得佢叫...真係交足戲架^^"
玩完過山車就搭纜車走ｌｕ，今日係我去左咁多次海洋公園之中，最ｈａｐｐｙ既，因為係同親愛的朋友們去呀嘛。你地唔准嘔呀！！！ＸＤ
不過對腳行到就跛，真係好攰呀＞"＜
－－－－－－－－－－－－－－－－－－－－－－－－－－－－－－
收到６９０１ ＨＫＵ ＳＣＩＥＮＣＥ既ｉｎｔｅｒｖｉｅｗ ｌｅｔｔｅｒ啦！ |
臘肉炒芥蘭、蒸肉餅、豉汁蒸大鱔
作天下午：雨中天平
近拍（橙色珠珠直徑約３ｍｍ）
手動ａｆ區域（偏下）
近拍（唔記得轉９０度...）
手動ａｆ區域區域（偏左下）
手動ａｆ區域（偏右下）
我一路行，一路「哦」左幾下，等佢ｉｎｔｒｏｄｕｃｅ完自己後，我再同佢講：「無興趣。」好彩我講完佢就走左啦。
可見讀ｂｕｓｉｎｅｓｓ真係要付出唔少∼
