有滿滿的工作
才可叫我忘卻一切
難得這星期可以休養生息
坐下來便感到空虛
似乎不能停下來
生活必須推在極限線
如同踩鋼線一樣危險。
我明白 原來真的是我太可怕
－－－－－－－－－－－－－－－－－－
DEMETER Apple Blossom
The fragrance of my extreme happiness,
& sadness.
尋晚做marine report做到5：30am先有得訓，全靠以上三寶吊命：
零食 1 百力滋
零食 2 柚子味蕃薯片
即棄眼藥水 x 5
今朝10am o既天空，真係靚~~ 可惜我起身係要繼續做report = ="
btw 呢排個天都幾藍，不過好似有層塵咁，朦朦地~
今日o既黃昏，我拎相機用左10秒，最靚果一刻就過左啦..........
唉.... 景色都不可再
機會又怎會回來？
唔知係咪呢排唔夠訓，d小病痛發晒出黎。
而家：
1 眼爆紅筋 (眼藥水仲要o岩o岩用晒... 吹漲...)
2 胃痛
3 打乞嗤
4 流鼻水
真係好無奈............
－－－－－－－－－－－－－－－－－－－－－－－
希望我一直都是錯
早排出marine field，唔覺意執左隻寄居蟹番lab，又唔捨得用ethanol preserve佢，咁就拎左番屋企養啦...
我唔知佢食d乜野，只係比左少少水佢，呢幾日都唔得閒搵d野比佢食~ 今晚見到佢成隻趴左o係度 (平時d腳係可以撐起個身架~!) 心知不妙，但拿起手又唔知可以比d咩佢食，咁就是但比左兩粒飯佢啦，用指甲"meet"開細細粒先~ 轉個頭見佢用隻拑撈d飯埋去，係咁食係咁食，仲要攬住幾粒唔放，不期然就笑左出來啦~ ^^ 好耐都無試過為左d咁少o既事笑啦...~
－－－－－－－－－－－－－－－－－－－－－
不過我都係開心左無幾耐咋.... 因為知道左，我個marine group report 要聽日唔知幾多點先開始做到 (因為做result果個exchange student未搞掂 = =") 跟住friday 5pm前就要交一份12版o既report (actually計埋graph應該係4x版)............ 我就真係笑唔出啦.................. >"<
書枱一塌糊塗
堆積如山
因為呢排太多野做，所以無咩時間執房...(其實一向少執=v=)
d notes呀、書呀、信呀、外賣單呀.... 全部堆晒o係張書枱度，場面壯觀 = =" (影做黑白其實係想睇落無咁亂...)
好彩張枱仲有兩層可以拉出黎用，如果唔係部notebook都唔知擺去邊度做野好 >_<
張床更恐怖 ="= 每次當我寫report / 做project果陣，成床都會係notes同打開左o既參考書；加上床尾當衣櫃用，有一棟棟衫摺左o係度，實在極恐怖 & 太過驚嚇，不便影出黎比大家睇...
阿媽成日都話我唔似女仔... 邊有女仔房亂成咁先得架.....
書枱一塌糊塗
堆積如山