(Copy from my Xanga)
Qooza唔知咩事，連續第二日入唔到.... 唯有o係我唔記得晒d野之前，用Xanga打低先啦~
Biology O Camp 08
Day 0 (3/8)：
主要工作都係整理好d物資，方便正營transit。不過事實上我無咩野做，因為物資已經唔需要我管，但係感覺有d奇怪，本來係我負責開o既工作，而家完全唔關我事，企o係soc房漫無目的咁，仲要見住物資組o既部員忙到tum tum轉，但我又無野做， 真係好唔知點....
Day 1 (4/8)：
好早好早起左身，預備開幕禮d野。落到煲底.... 發覺.....無"小露寶"! 好~~咁咪叫人拎過落黎囉... 但又發覺煲底竟然無插座!! 咁個"小露寶"點出聲呀?! 諗住轉用乾電，但係乾電尋日比電筒用晒!!!! 死啦，一大早叫我去邊搵？我扯埋NA Sandy跑去搵，去左soc房搵：無；百佳：未開；大學書店：未開；CUSU：未開；OSA：未開................... o係我地都心灰意冷之際... Ricky係冬營房拎左一盒大電落黎，救左我地一命。不過就可憐佢一朝早之內來回跑左n轉NA←→本部，真係攰死佢；NA Sandy都跑到差d中暑，又暈又肚痛... 我做到o既就只可以心痛....
之後我要搞標美會，講d好好笑o既野，睇住d freshmen比我整蠱，但又唔可以笑，忍得我好辛苦~
下晝係推理game，因為我係其中一個人物，所以節目部叫我唔可以o係知行出現，即係我奉旨渣灘，真係好。番去學思沖一沖身之後，就攤左o係lobby d梳化度瞌，訓唔著，但係都好過無呀...
瞌左陣之後，去搬pizza，真係搬到爆晒粗... = =" d汽水重到pk.... 一箱裝滿pizza / 焗飯o既箱(**大過一pack24罐o既汽水六倍or more)，竟然唔夠d汽水重，我同阿雞、Feli將呢堆野由MMW地下，搬到MMW710，雖然有lift搭，但係得3個人(2女1男) 真係搬到索晒氣>"< 果陣時，我地部有兩個壯男o係知行扮緊死屍 (即係訓係床度渣灘囉.....) 我o係MMW corridor大叫：「d男人死晒去邊呀!! (知行囉...) 我要男人呀!!! 從來未試過咁想要男人呀!!!!」真係諗起都搞笑
Day 2 (5/8)：
朝早趁d freshmen去練舞，我同阿雞、阿月、Sharon、Carol(唔記得Feli有無去添 = =") 去左med can食早餐，朝早有得食咁豐富o既早餐，人都醒神d~~! then set大學人生個場，都算順利，sit埋counter，終於可以真正同freshmen有正面接觸，梗係借d意同佢地吹下水啦，點知sit到差d唔記得拎uc個場，好彩Christine提一提我咋!! ^^
拎完場番黎，我發覺我被人neglect左..... 有野講又淨係唔同我講... 又野做又唔話我知要做d咩... d技管人我又唔知佢地走晒去邊... 自問當時有盡力了解過咩事，但係得出黎o既答案，只係：「你等等」「我唔清楚」「我而家答你唔到」etc. 真係灰到死左...../___\ 差d搞到mass game個場set唔切，set好個場之後，都3點幾啦... 先記起自己原來未食飯。走落去uc can買個tea食，拎野食果陣見到Philip同Ricky，原來佢地都未食飯。果刻我真係有諗過，好唔好自己坐埋一邊食就算，但係諗深d，大家都識左咁耐、一齊搞左o camp咁耐，無理由真係有心唔理我掛? 所以我都係走埋去同佢地一齊坐，但係，最後我發覺我錯左囉... 我坐左o係度幾耐，佢地就講野講左幾耐，而且無一句係同我講o既，最後我都係忍唔住，主動出句聲啦，點知佢兩個一齊望窗口..... 果刻真係好想喊.... 諗下我又無做錯d咩事，點解要咁對我.... 之後真係好唔想見到佢兩個，佢地去到邊，我就唔會o係果度出現，搞到mass game果陣，我係uc gym同乒乓球房走黎走去 = ="
夜晚dinner去左鹿鳴廳，只係差兩個人，我地個部就可以齊人一齊開飯啦.... 我明白大家都好攰，唔通落黎食飯o既部員佢地唔攰？但係呢d時候，唔係應該為技管搵番多少士氣麼？大家齊齊叫送開飯，好開心~~ 好多謝我d部員總o係我心情最差o既時候，為我增添少少o既歡樂^^~
水戰set 場，技管部係人，唔係狗呀............ set完場，搬水來回起碼20次，搬到手都震，想幫Ceci set番好個喉碼都無能為力，因為我手震到連粒螺絲都拑唔正 = =" 當時搬水搬到好躁底，水戰開始果陣我真係忍唔住，哩埋o係誠明後面喊.... 由得自己淋雨吹風，都係想冷靜下o者... 好多謝Feli過黎睇下我~~
Day 3 (6/8)：
8號風球的一天，好彩唔需要徹營，我一起身見到8點前已經掛左8號，yeah左出黎~~ 不過是日活動大變動~ 技管o係大風大雨之下要去買兩餐飯：lunch出車買m記，夜晚買美心燒味飯，佢地真係好辛苦!! 副部主o係度衷心感激你地!!! 因為我下晝發燒，食左藥之後就番左宿訓，所以無幫過咩手，好多謝佢地為freshmen所做o既一切~~~ ! o night前，節目部要prepare game，要我地出人落soc房拎衣夾，本來叫左Feli同NA Sandy落去，但佢地問過呀Ling同聖雲，佢地都認為當時風雨好強勁，落去太危險，所以就唔要衣夾啦~ 點知o night果陣，我見到佢地竟然有衣夾用喎 @@" 我問番阿雞，原來Ricky落左去拎!! I wonder!!! 佢地又話唔需要，點解轉個頭又叫我地d人落去拎?! 怪唔知得我見到Ricky成身濕晒咁上番黎!! 我聽到阿雞咁講果陣，激動到差d暈低! 出面咁危險，Ricky有咩事邊個負責?!?!?! d衣夾仲要係用黎比人執! 有n咁多樣野可以sub，點解一定要衣夾!!!!!!!!!!!!!!!!!!!!!!!!!!
Day 4 (7/8)：
好忙好忙o既一日，亦都係好躁底o既一日，因為不斷比人blame，我又不斷去blame人，真係非常唔好意思.... >__< 朝早收被收到差d暈低 (真係暈，唔係講笑 ~___~ 半坐左o係學思counter前面) 未搞掂，又要去set全民遊戲個場，今年freshmen終於可以玩到全民遊戲! 真係好exciting!! 之後o既closing ceremony，技管部幾乎無人出席，包括我.... 主要原因係因為我地要去清store room d野，其次，係因為我怕副部都要sharing..... 無理由同d freshmen講，我呢5日4夜o既o camp搞得唔開心掛？之後有人提議去天人合一大嗌! 我地嗌：「技管，呀~~!!!!!」嗌完真係爽晒喎!!! 咩野唔開心都唔記得晒lu~~yeah~ ^____^ 有力搬番d野落soc房 (唔通係迴光返照?!) 今年O Camp就咁完結~~~
－－－－－－－－－－
今年O Camp有開心有唔開心，overall都係唔開心o既時間多d啦.... 不過呢d只係正營，正營前o既preparation同pre camp我都真係好開心。好多謝我每一個部員，你地辛苦我會明白架~~! 當然包括NA Maggie同埋Alice啦，雖然你地無黎正營，但你地永遠都係技管部o既好部員~~!!!
－－－－－－－－－－
難得我會夜晚留係中大，之前本來諗住o camp果陣搵一晚，走上誠明天台睇星，但係幾晚o既天氣都唔係咁好，而且..... 似乎無人記得.... 咁就算啦.................. |
