嘻嘻.....今日係聖誕節呀!!! 好開心~晏晝果陣去左呀牛屋企度

開party~我同得得塋,劍鴻,大昌佢地先到.....o係度玩電腦同ps 2

等佢地黎~同呀牛打拳王嬴左佢,好野!!!!估唔倒原來佢咁水皮ga,哈

哈哈~ 竟然連我都嬴唔倒wo~好冇用ar.....

到3點幾果陣呀bee.廖林.小胡.david.偉哥佢地先至黎到~佢地o係度玩

跳舞"尖",我唔識玩,於是就o係度玩電腦la~廖林幫我down左N.A.N.A

套戲呀,但係........睇唔夠一半我就已經唔想睇la,都冇漫話咁好睇o既=.="

好失望~跟住我就同得得塋入左呀牛間房度參觀la~我地o係啊牛本相薄度見

倒呀牛同牛弟弟o既裸照ar......勁搞笑!!! 真係想拎比tracy睇........

6點幾小胡同得得塋就走左先la!跟住到七點倒la,我地就開始打邊爐~係呀,牛媽

自整o既祕製醬汁真係好好味呀...... 好想學.....不過一聽倒個製造過程咁麻

煩我就頭都大晒la~

食完野佢地繼續打機,我就同大昌.呀牛.劍鴻佢地o係度玩鋤大D~得我同劍鴻嬴,

好冇癮,佢地實在太水皮la~哈哈..... 跟住完玩鋤D之後我地就o係度傾下計....

吹水........

差唔多十點倒la,我地就落左去7仔買左d酒,然後去左呀牛屋企樓下個藍球場到玩~

佢地提議玩誠實同大膽.....開頭果陣都玩得幾保守ga,但係跟住就越玩越open,臨

尾偉哥輸左要嘟.....嘟.....嘟嘟david果陣真係笑到我肚痛呀,估唔倒佢又會照做wo~

呀bee仲拍低左添呀,好抵死!!!!笑死我地la~

我都飲左酒ar,不過......點解感覺好似飲水咁o既~究竟由幾時開始我酒量變得咁好

ga? 哈哈.....今次好似係我第三次飲酒咋bor~

番到屋企都成12點la~好累........ 但係上到床又訓唔著wo~好慘ar!!!!!!!!!!!