嘩時間真係過得好快，話咁快又開學lu...

上年真係過得好快。因為開心所以咁快?我諗係。

呢一年form 2過得好開心，不過有d美中不足，因為呢班唔夠團結

初初我好鐘意呢班，因為有家都好開心，諗住d小圈子活動唔會出現

點知又出現....講要團結既係你，但最後令到呢班唔團結既又係你

人係平等既...每個人係班都係一樣，點解你要分化人地

班入面有個d人俾你係咁分化，佢地係呢班無曬fr..咩事，做咩要咁做

人有人既個性...人地做咩都唔關你事...唔好樣樣都理埋一份...

講番今日，頭先我肚痛到想喊，因為飲完涼茶又飲奶=.=''

唉好辛苦呀，好彩衣家無咁痛唉....

今日又要練琴，哈哈下次應該都可以交到課hehe...

開學la..加油!!!

好耐無打lu又...琴日同呀Nicole仲有Lokyee去左旺角行街

佢地等我學完琴就出去，12點半左右la..唉我同呀Nic諗住買M記係車食

點知好多人...要企...點食?!唯有企係到食唉...

到la..終於....去旺中行...呀Nicole買左條褲，我一件衫，呀Lok一頂帽...

要走lu因為要去做義工，因為個68X既站呢係嘉禾大廈對出

唯有座地鐵轉西鐵la..好野到左哈哈..等埋呀Herman...Jessica ...ka就行

做義工好好玩呀....好彩呀Nicole係都要我去炸唔係就錯過左架la..

如果完左呢一次之後仲有我都一定會繼續加哈哈!!

估唔到做義工咁好玩架...下次試整野食....派俾人...第一次整係試

之後個幾次就會派，好緊張呀......!!!!

仲有好多活動....雖然唔知會唔會成真但我都會繼續架XD

睇左3套火影劇場啊好正呀!

做人可唔可以守信D呀，明明講好左，之後又話唔得，唔好咁好唔好呀!!

嘩番左10日大陸玩....哈哈今次雖然好辛苦但好開心

同我呀公耕田，我發現到做農夫係好辛苦架.....

玩存咁耐，成日都去游水，係山入面嘩d水好涼，好舒服架

琴日先嚟....8點幾同呀大姨媽咪一齊食野...跟住就番屋企lu..

番到去第一樣要做既係玩電腦....第二打電話...同胡蘇傾左成個鐘...

你就好la..番大陸....你就嚟去我就番嚟唉=.=''Elanie今日上tim...

羨慕死我唉不過算la..下次再番過囉....呀麻去左海南島，姑媽europe旅行又未番

個個都走曬得番我地.....

番鄉下拎左好多野番嚟....哈哈咩都有呀...當然有特產清遠雞

發現左Johnny Depp會拍埋health ledger爛尾既戲...

頭先睇城市論壇.....我睇到好火

我覺得政府己經好好....有綜援呢樣野....你有困難有政府幫，有d國家你無錢

自生自滅...大佬呀最基本既野己經俾左你，無可否認政府係應該保障大家既生活

但我覺得己經幫得有d過份la..呢個世界...你無錢鬼叫你細個無用

唔讀書搞到要咁....有d人講大話...綜援唔係個個都有...有d人有手有腳...

都唔去做野...大佬呀...你係唔應該有綜援金架..你問下你個良心過唔過意得去

綜援係應該俾真係有需要既人，你跟本無需要，你面皮都幾厚wo..

有d人佢唔想俾人用有色眼鏡睇佢，唔去拎....有個人話:我地應該去幫佢，衣家係佢唔要呀

唔係政府唔俾佢呀，又將呢d責任係政府身上....最火既係有個呀伯，我想用粗口話佢囉

佢話政府應該全民都幫，佢都有問題既，有錢都不得了既都要幫....佢話得一個人有錢姐...

死野，行出街...幾多有錢人呀...個個1000...呢d就唔叫有需要la..

中產既....政府應該減輕佢地既負擔...但個110億入面居然有55%係全民既

真正係幫到窮人既只有45%有無搞錯呀....呢個香港，唔係個個都咁架...有d好有錢架

高物價呢d野怪得邊個呀?唔係你先高物價架...第三世界既人...無得食都未嘈...

你衣家有得食仲嘈...有個女人話交通費貴...d女人無得出嚟活動...

小姐呢d己經唔係最基本....你無飯食，政府己經俾左錢你架la..

出嚟玩....係你既問題...唔玩唔得既咩...出嚟玩交通費貴，聽到我就想打佢囉

D錢係用嚟幫真正有需要既人，唔係俾錢你去玩架...

到政府....跟本唔應該個個都派錢...有手有腳既....無負擔既....

唔肯去做野既...你俾錢佢只會令佢變本加厲...佢跟本就唔係真係有需要既

你俾份工佢仲好la..日日座...飲茶打麻雀...白拎綜援...好過份囉