今日係最後既對卷日，Mr Tsang同我地講左d學英文既野

哈哈，都離唔開搞笑...................

今日約好左睇戲，睇咩?咪殺神特工囉。

因為呀Nicole今日唔記得拎電話，咁呢就要番去佢屋企拎

拎完之後我地行番去新元中既紅樹林食野，都幾好味架。

食完我地就睇戲la..等左幾分鐘開場la..

哈哈，我嚟睇都係為左James 同 Angelina...

Angelina Jolie真係好有型，好靚仔。好型當佢同d人殺嚟殺去呀

走嚟走去個d都好正，不過好可惜佢最後都..............................

呢套戲美中不足就係個內容呢.....有d混亂.......

同唔夠剌激，個內容既範圍應該要多d。個個演員都好正...做得好好

而James呢?哈哈，今次係第3部我睇過佢做既戲，佢好掂..做得好好

同atonement既robbie有好大分別，掌握得幾好，希望你今年再有提名nominated la..

James McAvoy唔係典形既外國靚仔，又高又大隻

佢只得170係外國人中算....又唔係好大隻，啱啱好哈哈

不過佢結左婚，佢老婆仲大佢9年tim，不過佢老婆都ok靚女既..hehe

我要代呀BoBo多謝呀Nicole既糖...thanks

哈哈，今日係我地最後一日成班一齊留係房室。

出年，唔知4大金剛仲可唔可以一齊?不過希望la係唔係。

唉，我數學肥左，差3分炸唉唉唉唉唉唉唉唉唉唉唉66唉唉唉唉

我仲諗住唔會肥，點知有一科

報下分先:

中文: 73/120 (唉，我對中文既莫名奇妙改卷法無意見)

英文: 74/100 (麻麻地)

數學: 47/100 (我都唔知講咩好)

I.S:  69/100  (麻麻地)

H:    78/100  (幾好)

C.H: 69/100  (完全創新低)

地理:72/100  (中中等等，仲枉我話要做地質學家tim)

整體嚟講我中文同上一次無咩大分別，英文有進步(可能份卷易姐)

數學呢，無野好講，其他都係咁，中等la..

有無人會好似我咁同d親戚既距離咁遠呢???????????????????

23 June 2008 5:05 AM, PDT | From wenn.com | See recent WENN news

Pirates Of The Caribbean star Johnny Depp missed his home comforts while working on a new movie in the U.S. - so he arranged for a shipment of wine to be sent over from his house in France.

The actor lives full time in the south of France with his French partner Vanessa Paradis and their two children - and the couple owns a vineyard where they produce their own wine.

And Depp couldn't stand being without his beloved bottles of wine while working on new crime film Public Enemies in Illinois - so he arranged for a shipment to be sent over to the movie set for him and his fellow cast and crewmembers to enjoy.

A source tells British newspaper the Daily Mirror, "Johnny's a fine wine buff and has his own vineyard. He's had 10 crates of his own wine shipped over to keep him going.

"He is very serious about his hobby and does everything himself - from selecting the grapes to working the machinery. Johnny's a connoisseur.

"It's fair to say that he's made filming a far more enjoyable experience."

一路以嚟都好響往既一個地方- 法國

法國法國，巴黎....講起法國都會諗到巴黎，其實法國南部都好靚

好簡單，好靜既小鎮，好響往係到生活，無憂無累。

啊，幾日前睇左死神再3來了，2年前既一套戲。

初初睇覺得無咩，但之後呢...成套戲最正個part就係過山車，

之後個d都麻麻地，可能因為1連3集既公式都係一樣，覺得有d悶..

好想睇Slient hill...因為上網搵過話呢一套係英國一個election當中，佢係最好，最勁既一套

但可惜，無得睇。

今日原來要番學聽講座，但因為颱風呀風神既關系，所以就唔洗^.^

聽日派卷，唔知會點，希望得一科肥好la..數學orI,S

唉，愈講愈緊張，中文永遠都係最出乎意料之外既，

你溫左好多好多書，但佢d問題呢?全部都係問意見，中文係問意見既咩

次次份卷d問答，題題都係你覺得，咁溫書有咩用，，，，，，，，?

咁多科最多野溫既中文同maths...數學，做就得

中文，做同唔做都唔知得唔得.........溫書溫書，溫嚟溫去都係個課，

成4堂都係溫個課，重要講完又講，雖然呢課好重要，但都己經係上學期既事

成語，仲之你個答案唔同佢份卷既example就係錯。

我最怕中文，即使你好有信心都好，最後所得出既都唔會係你所想,,!!

今日我又再興起想睇喪屍戲，咁多套當中，我睇左魔間傳奇

之前Mary睇左，當時我只係覺得佢只係一套好普通既喪屍戲，

但佢唔係，係一套值得令人深思既戲

故事係講一個好出色就科學家既一個傳奇故事，

因為有一個女科學家發明左一種病毒，而且仲對外傳左出去

初初呢種病毒既用意係用嚟醫人既，但係就變成左一種病毒，

世界上大部分既人都變成左喪屍，佢地係怕光既，只可以係黑夜先會出嚟

係紐約，呢個科學家(will simth)佢同佢既狗呀sam住左係到

呢個科學家係有抗體既，世上大約有10 %既人有抗體

每一日佢地都一齊生活，呢個地方一個人都無，成個死城，

得番佢同隻狗，好孤單，佢每日都會同個d模特兒公仔傾計，呢d公仔就係佢既朋友

但係佢無放棄，仍然每日都會研究抗體，希望可以改變呢個世間既滅亡。

呢d喪屍好聰明，識得諗計仔捉個科學家，亦因為咁樣，呀sam俾d有病既狗咬到，佢係為左救佢既主人而

犧牲既。因為血清無效，於是will simth唯有忍痛殺左佢。

係佢最絕望既時候，有一對母子出現佢地救左will simth

但係，佢地係天未光就帶左will simth番屋企，所以呢班喪屍就跟住佢地

最後佢地成班入左佢屋企，佢最後亦都因為咁而同班喪屍同歸於盡。

而個兩母子無死到，佢地都想信神會幫佢地，佢地係路上發現左一個新既，無病毒既地方

因為個科學家終於發現到d可以醫番好d喪屍既血清，呢個新既國家就咁開始左。

我對呢套戲有好大感觸，佢唔係一套好普通既戲，雖然佢係一套喪屍戲，

但佢無一般喪屍戲既公通點，佢好有味道，血腥，佢都無

佢一路都好簡單，好簡潔咁表達出個種孤單，寂寞既感覺。

佢著重既野並唔係喪屍既刺激，血腥，佢好簡潔咁表到

呢套戲有刺激，有感人，隻狗同最後我都喊。

佢無故意咁要你喊，你慢慢咁細味佢同隻狗既感情，最後你會因為咁而不自主咁喊

結局都算係好既結局，因為有一個新既世界出現，證明佢既努力無白廢，好多人

都因為佢既唔放棄而得到重生。呢個結局係開心既，但你都會好感觸咁喊左出嚟

個女人既出現令個科學家既犧牲更出位，更出到個一種味道。

睇完呢套戲我原本仲諗住睇埋28週後，但係我決定唔睇因為我覺得28週後要講既

都將會係普通喪屍戲既血腥，刺激，仲有一個好普通既結局，佢地都同魔間傳奇唔同

佢地要講既野都唔同，要表達出既野都唔同。