能夠喺我自已個Blog度同大家分享日誌，最大功勞就係我親愛嘅表妹Kary，因為個Account係佢一手一腳幫我開既，Thanks!

今日一早起來先送大哥到九龍城搭機塲巴士，而佢一連5日嘅台灣之旅亦正式開始.........

講起台灣，我亦曾經去過3次，第一次去旅行玩到病咗，之後兩次都是工幹，所以對台灣嘅感覺實在唔太好。

在中午時份，收到康X旅行社通知，原定於月底出發的越南什麽什麽超抵豪華團成唔到團，跟手推介一個超值抵玩團，團費係平5百蚊，但係D酒店就由原本嘅5星cut到得返3星，仲要將原本嘅景點變成自費項目，加返條數唔會比個"豪華團"平好多，確實有"老點"之嫌。以我嘅性格，梗係即刻退團回水啦........想"昆"我......."屁"

之後跟手再去祖國旅行社報返個Standard越南5天團，感覺到"阿公"旅行社嘅人真係正氣D！今次係我第一次同家人去旅行，心情興奮........試問世間上有咩開心得過一家人去玩呢？