今日八點幾車老婆返工，一直都知道呢段係繁忙時間，D人揸車會特別狼死......

不過今朝就剛好教罰了一位心急嘅的士哥哥

事源係果位的士哥哥見到前路有阻，即時想抽入我嘅行車線(一貫的士嘅揸法)，但係我一向部唔認同呢種做法.....唔讓！

但佢有三分一個車已經"夾硬"入左黎，點知我地再前面部的士突然停車，碰！

佢嘅三分一頭撞落前面部的士，"行家"互炒......

而我就停得切，避過一劫！

早一排買咗幾盆士多啤梨，經過個幾月嘅仔細照料，近日已經有啲成績......大家睇吓！

其實種盆栽可以令我有一種期待.....每日都睇吓佢，睇住佢一日一日長大.....都幾得意架！

好耐都無寫Blog啦！真你唔好意思，因為近日真係比較忙......

呢幾日天氣突然涼左，又鬼咁大風，整到身邊好多人都感冒。

而我就迫於無奈要出動全屋最暖嘅羽絨被，可能係住新界既原因，夜晚訓嘅時候真係特別凍！

不過有咗羽絨被的幫助之下，睡眠質素即刻提昇，正呀！

仲有，睇緊Blog嘅朋友們，聖诞就到勒，記得準備聖誕禮物呀！(以上資訊係由你既好朋友--我--提醒你架)

喺機緣巧合之下，今日去咗海洋公園嘅Halloween Party。

雖然我預咗會好多人，但係真係無諗過群情咁猛勇！

以我粗略估計，鬼同人嘅比例係1:99000，所以要營造到驚嚇嘅氣氛，實在係困難之極！

但眼見到我表弟"驚"樣，先發現"嚇細佬"原來真係易好多嘅........

難怪好多細佬仔都話呢個Party係"好玩"啦！

今日老友一早打嚟話要燒野食，結果由夜晚9點幾開始，一燒就燒到成點鐘，之後仲要去食糖水，節目非常豐富！

不過最難得既平日懶得理你嘅老豆今日一反常態，主動話同我哋去BBQ.........奇！

而今次BBQ亦正都式為今年嘅"巴別僑"活動揭開序幕