今日天氣持續炎熱，多得Laura為我們預備了一個又大又甜嘅大西瓜，正呀！

自呢個Blog成立嘅短短幾日，己經收到好多人嘅投訴、恐嚇，目的好明顯係要干禦新聞自由！

而記者出身嘅我，當然會不畏強權，繼續擁抱公義，將陸地上不平嘅事公開.....

有你哋嘅支持，我決定推出爆炸性嘅題材<<香港最後一條寄生蟲>>，為香港寄生蟲系列打響頭炮！

而第一位主角係......

今日打開報紙，先知道琴日係大暑，仲有好多人因為太熱而中暑，實在係幾恐佈！

而我自已揸重車返工，又喺冷氣地方工作，仲有外母為我準備嘅大暑特飲--冬瓜水，感覺自己已經比好多人幸福.....

我覺得今時今日嘅「熱」，同以前我哋細個嘅時侯完全唔同，以前開風扇、食西瓜、食雪條已經覺得好正，家陣無冷氣就差不多等於世界末日，雖然呢個現像係唔健康，但似乎我又無辦法去改變，因為家陣嘅熱的確比以前"兇殘"得多.....

另外近日喺公司發現一條身長達10吋嘅"蛟龍"..........

基本上檸檬茶係我嘅"飛佛"，每日1杯都應該走唔甩。

之不過我覺得凍O茶同熱O茶可以話完全兩回事.....

凍O茶--飲落透心凉，俾我一種好暢快嘅感覺，內心即時滿足。

熱O茶--因為杯茶好熱，所以次次都要慢慢飲，而喺呢個過程入面，就會有一種好Relax嘅感覺，可以俾啲時間自己慢落嚟，慢慢細味生活。

而我就會依據唔同嘅心情、需要而選擇凍或者熱O茶.....

今日嘅下午茶就........"熱O茶吖唔該！"

今日一如以往嘅星期日，同老婆一家吃早餐，跟小小嘅姨生女玩過，之後再跟老豆、阿媽、家姐飲茶。

餐後一家人到沙田逛逛，不出一個鐘老婆又再要求開餐，結果又一個Pizza Hut下午茶，頁係又一個超飽嘅禮拜日！

能夠喺我自已個Blog度同大家分享日誌，最大功勞就係我親愛嘅表妹Kary，因為個Account係佢一手一腳幫我開既，Thanks!

今日一早起來先送大哥到九龍城搭機塲巴士，而佢一連5日嘅台灣之旅亦正式開始.........

講起台灣，我亦曾經去過3次，第一次去旅行玩到病咗，之後兩次都是工幹，所以對台灣嘅感覺實在唔太好。

在中午時份，收到康X旅行社通知，原定於月底出發的越南什麽什麽超抵豪華團成唔到團，跟手推介一個超值抵玩團，團費係平5百蚊，但係D酒店就由原本嘅5星cut到得返3星，仲要將原本嘅景點變成自費項目，加返條數唔會比個"豪華團"平好多，確實有"老點"之嫌。以我嘅性格，梗係即刻退團回水啦........想"昆"我......."屁"

之後跟手再去祖國旅行社報返個Standard越南5天團，感覺到"阿公"旅行社嘅人真係正氣D！今次係我第一次同家人去旅行，心情興奮........試問世間上有咩開心得過一家人去玩呢？