琴日兩點鐘開左機,

就諗住打番幾個鐘頭機,

點知開左一陣,

我呀婆就打呢話去飲茶,

搞到我要即刻出門口,

明明是係禮拜日呢,

都唔比我打機。

行緊去飲茶個陣,

覺得有啲口渴,

突然之間見「COMEBUY」,

所以決定買番杯珍珠奶茶,

一路行一路飲,

我覺得而家勁多人飲珍珠奶茶,

一條街入面十個有九個都飲緊,

就係因為呢杯珍珠奶茶,

搞到我去到酒樓已經好飽,

食左少少野就番我呀婆屋企嘆冷氣,

玩左一陣「鋤大D」,

我就要換件令衫去香港演藝學院睇張敬軒同王苑之個套「柯迪夫」啦!

我已經恨左成個月啦,

呢個重要既時刻終於呢啦!

睇睇吓,

我竟然喊左出呢,

今次係我第一次睇野喊,

之前從來未試過,

連我自己都嚇左一嚇,

簡直係奇蹟呀!

仲有,我要隆重咁講一次,

張敬軒真係好令仔呀!

睇完已經十一點四,

所以我是但食左個M記就番屋企,

番到屋企我極速咁沖涼,

但係都要搞到兩點先訓,

所以今日勁眼訓!