七年生活，竟然覺得過得很慢......
可能開始厭倦校園生活，可能有時過得不愉快
可能想過下新生活.....很多可能
anyway，田中始終是一間不俗的學校...回憶很多
中一 1B（23）
最初想入陳融，可惜英文差到極點，面試也不准
於是提田中放入第一志願，仲記得當時是 Miss Kwok 同董主任面試
要用普通話，大家都知本人的普通話水平何其高 =.=
於是花了很長時間準備一句：「我在小學沒有學過普通話」的普通話
大派用場！！！結果我比其他人早很多面完試 =-=
結果憑住這句話考入田中.......更認識我第一位朋友：黎志基（黎卓鑫）
記得中一同班沒有小學同學，全新環境，多得佢多多幫忙
學入左初級男子籃球訓練班（點解唔叫籃球隊），
開始學打波，原來當時已經認識邦邦，哈哈....
仲被老師推薦入左無得返轉頭的多媒體小組（原來跟著鍾 sir 認識了七年）
對於任何事都有新鮮感.....
中二 2B（23）
應該是最開心，對我最重要的一年，幾乎所有老死都在中二認識
鴻哥、鑫、毛、招、康、goosie、花、當年 kai kai 五人組
不得不提中二同班但互不相識的謝慧嫦 =v=
跟阿花同組 EPA，很多難忘的事，太尷尬，記得就算 =V=
阿毛成日上黎屋企，開始熟落，依家已經係兄弟....
第一年學射箭，認識口水極多的肥 bell
為田中拎過一面銅牌，雖然係團體獎，但都很難得.....
仲記得有次同鑫、鴻、 eeyore 去龍躍頭，被一大班狼狗跟蹤
嚇到鼻哥都無肉......仲有成班去半月灣......
中二算是最難忘的一年，也是成績最好的一年
中三 3C（17）
跟鑫、花、writing 三年同班，很難得.....
3C 應該是三年以黎最團結的一年
認識辣雞、黃葉，經常三人行，仲認識了阿潘、邦邦等
然後某人同某人拍了拖，對我黎講真係.......太複雜
中三應該是心情大起大落的一年.....完全荒廢學業的一年
中四、五 4E,5E（20）
不文不理 ge 我選擇商科，因為想讀會計....又想讀電腦
但最後沒有讀電腦，我都不知何解 =V= 有點後悔
身邊好多朋友都不同班，只有辣雞、Don......
不明不白地做左男班長，對住一位「好笑」 ge 班主任
開始夾 band，自學結他，認識阿狗、Nokia 等等
即使到左中四，都未知什麼是會考，仍然玩玩玩......
每星期五晚總是 Happy time，不是打波就是打機.......
響雍盛組了籃球隊，乳臭未乾就經常出去比賽.....識左 Alan 同四仔
記得鍾意了某某，又傷害了某某同某某...好複雜，但好彩依家全部都係我 ge 好朋友
由於對住這班同學，太好玩，幾乎是癲喪 ge 一年.....難忘事件太多
陳惠珍自夾手指事件，誣衊鍾駿兒、英文堂全部開餐，食雞翼食生果
Lunch 班房打邊爐，同辣雞、阿狗、歷蘇、Don、吳洪剛上堂玩啤牌
阿狗被爭靈幫打，吳洪剛英勇奔回學校請救兵 等等.......
中四五，既瘋癲，又不知所謂 =V=
不過都識左好多朋友：
自稱最可愛 ge Monkey，送生日蛋糕俾我 ge 阿鬼，仲有楚殷同雪兒
當然唔少得響 2005 年 9 月 7 日正式成為我經理人 ge 謝慧嫦 =V=
會考完暑假帶辣雞，Yip，毛去左 Santa Fe 返工，雖然只係苦力一名
但係體會好多，第一次搵錢，第一次去幾千呎幾層大屋......
中六、七 6A,7A（20）
全負碌姿態升上中六，現在提返起，感覺好似剛剛放榜一樣..
好多朋友都離開左，好唔捨得，感到未來兩年很難度過...
商科升上中六得 9 個，所以又是全新面貌的一班......
跟不少朋友重聚，仲原來同 Writing 7 年同班！難得難得.....
去左大澳 camp，好難忘，重新認識自己.......
同 Don 開始熟，全班唯一同我同科，任何時間都幾乎一齊
佢仲同一名女子傳出緋聞，聞遍全級、某 d 老師，幾乎一整年 =2=
兩名仲全不知情.....某程度上我覺得他們非常襯 =V=
預科開始認真讀書，14 分的我，面對大家，經常感到自己是最弱的一群
做了多媒體小組組長，有愧各位組員，有愧鍾 sir 俾我 ge 機會
繼續加入籃球隊，識左灰熊、小黑、李文鋒....學界輸到七彩
中六開學時感覺極之怪，因為 6A 好像分開了兩班：文 & 商
有時候上中化堂倍添壓力，更有時候懷疑自己是否得 8 位同班同學
分化、是非.....數之不盡，有位面懵心精的班主任，但看來她不發覺
中六很快過去.....中七大家都咬緊牙關，努力 AL
同商科咁多位 fd 左好多，Writing、渭渭、楚殷、Snow
特別係楚殷，對人好真，雖然有時低低地，但係係個難得 ge 朋友
但中七始終離唔開是是非非，好多小圈子，個個都帶住假 ge 一面
有時好羨慕隔離班，整整年半都咁團結，好開心，成績真係最緊要？
所以我鍾意同隔離班 d fd 相處多過自己班......
.......................................................................................
要記 ge 野太多太多，直至近期，我心情開始下滑
開始懷疑自己存在價值，當然係指響同朋友相處呢方面
雖然平時大家會聚埋一齊，但我對自己只有一種可有可無 ge 感覺
我知自己經常俾人揶揄、取笑，你地開心我有咩所謂
只想問一句，咩叫朋友呢？？
除左家人，對我黎講最重要 ge 就係朋友.....起碼呢一刻都係
呢個禮拜終於可以癲返餐，中七最後兩日，不停影相影相
派紀念冊，仲俾古 sir 取笑 =2= 帶左校服返黎俾同學簽名
雖然比起中五個年，冇咩唔捨得 ge 感覺，但係都值得紀念
但最可惜就係......最後 ge 留俾我 ge 記憶仍然係失望同憤怒
Miss Lau 由地下走上六樓，由六樓走落地下響度趕我地走
我知你要收工，但某程度上覺唔覺得冇咩人情味，last day 趕人走？
好難理解，不過呢個係佢工作之一，都算.......
更失望 ge 就係我親愛 ge 班主任，一直我都覺得係好親切 ge 老師
但今日發生過咩事？？我帶 ge 校服，紀念冊，佢全部都唔接受
齊晒全班同學 ge 簽名，最後俾佢簽，佢竟然發脾氣拒絕
「咁核突！唔簽！！」妳就算發脾氣都唔駛咁打沉我......
我企左響度，都冇打算再求佢簽名，紀念冊又唔肯收
算啦！我唔會再俾你，last day 已經過去，返唔到轉頭
你一句核突，只會留俾我一個更核突 ge 回憶.......
雖然如此，但田家炳中學留俾我始終係個快樂 ge 回憶
過埋考試，就唔會日日踏足維翰路，再唔會日日進入學校門口
再見！！田家炳中學！！
|
