註:下有字海,不看者止步
好久無見了,離上次寫Blog都1個月有多= =
可能因為7月又上又落,(姐只係返下鄉下...)
8月又無咩心機寫...,
結果就因為昨日的活動令我有返心機,
估下係咩?香港的朋友就唔洗估了,因為這是澳門的活動,同埋都好小型?,所以香港方面都唔會有太多人知...
這個活動係動漫迷都會有想去的沖動,但不是動漫節喲~
無錯!!!就是同人節,澳門同人節.

今年的澳門同人節比上年好得多,
無論場地的大小.攤位的多少都好,
上年我想我最多的感受就係逼,
因為場地過小攤位與攤位之間只得2個身位,
所以上年逼就係我最大的感受,
講左咁多,都要講下有咩收獲先啦~

(回想起上年同人節...我好像比某人當我做開路工具咁用...真是痛苦的回憶...)

咩活動都要有的入場票...
本來想系漫畫店買張25$的兩人票(同我個FD一齊行),
點知買唔到...要買張15$的一人票.(淚...)

入場前比的漂亮布袋,袋面的人物估下係咩動物?袋里有一張...

藏寶圖!!!

講笑姐,不過這面真的有少少像藏寶圖...其實係同人節的地圖...(小小的同人節都要地圖= =)

背面係海報...唔~~~不錯不錯^^

5$的初音書籤...好可愛~~~

15$6張,買2送1的防水軟咭,相同的比左個FD....不過佢話唔要男性= =

^夏娜,得兩種,不過畫得好可愛,特別係黑髮版...

^涼宮3大女主角...

^魯魯修,個FD唔要的你地知係咩啦...

有個腐字的介指,同上面一樣係買2送1,我個FD送...佢果2隻好似係ORS(無睇清楚...)同埋囧字...
下面2個就係重點啦~~~

筆記?死亡筆記!!!

唔係...只係本平凡的筆記上畫上圖姐....不過畫功費20$...重好像只得一本....
圖中的就係超時空要塞F中的其中一個女主角:蘭卡。李
我好鐘意的動畫人物...也喜歡動畫中她唱的歌:中島愛的星間飛行

一張記念咭和...一大一小的兩個盒???

側面的注意還寫著請勿推倒?!

原來入面係2個小figer,同人節的記念品姐...

放在一起的完成版   ^110$= =

講一講我個FD買左D咩,
佢買的可比我買的奇怪得多...
首先一把有個膠的公仔的扇...
兩個襟章,一個係草泥馬...另一個係卧草泥馬...
(唔知草泥馬係咩?用普通話讀一讀就知啦,不過純真的小朋友千萬咪讀...咪話我教壞細路...)
兩隻不知明介指,好像重有其他...
忘記左了...
比起我個FD,我係到好像用多好多錢= =
不過佢之前系其他地方買左D其他的野......

今日係會場差d比特首發現,
(註:此特首不同彼特首,皆因他的名字與何賊手...口快快講錯,係何特首的名字相近,固名特首...)
比特首看到就會係我同我個FD的末日,死期,末路......
(其實只係比佢用"加拿大"夾住姐...不過佢異常大力,中招後就只有等佢放...)
結果因為要迴避而坐埋一邊...順便聽到d不屬於地球語言的聲音...(只不過係d係舞台唱歌的人唱得唔清唔楚姐...)
還比我地兩個與同年異性毫無交流的半宅男看到一個頗熟的同學拍拖!!!
唉~~~真悲哀...

本來上面的字海在琴日已經完成左....
但係我住的?仔的上網出左問題...
開始上網後1~2分鐘就斷線= =
所以等到今天才能完成放上來...
唉~~~

差唔多忘記左點放歌= =
近排開始鐘意聽KOTOKO的歌...
特別鐘意聽她的Shooting star,
算是她唱的歌中較特別的一首,
也特別好聽^^

Shooting star

這里上傳圖也真慢...100X100 1張都要幾分鐘...

今次就完結了~~~
希望我能繼續分享的我經歷啦~~~