今日係學校都無咩特別事發生,
只係覺得時間過得好快,
10點返到,11點半睇食飯,1點lunch
2點15第一個小息,4點第二個小息5點50放學....
7點就放工啦,咁又一日@o@"
沒有驚喜的日子其實也很美。

哈哈~今日第一次係長周星期六準時返到學校~kaka
係學校無咩野發生。拖下拖下就到長周體藝，
入左小廚師到幫手~勁好玩,
好快就夠鐘放學，不過今日無得早走><
因為要跟多元智能班...
嘩..由2點去到5點...好鬼煩丫...
第一年都無咁煩...今日就係咁跑上跑落....
又多人無返....真係昆水嫁...
不過d時間就過得好快...上一上,落一落..咁就一堂///
等到5點15分d 學生走既就飛去海心公園約左 winky + zoe 打排球..
今日由於好攰既關係...完成唔搞丫.....d波唔知打到去晒邊//
打到天黑7點就走佬...
就返左牧愛放波同吹左陣水~~
8點30先返到屋企 
今日13個鐘直落丫!!
不過返到屋企成個人散晒....
我酷愛充實既一日!!!!

嘩嘩嘩...依排好耐無打日記啦~
因為比較多野做,同埋部腦short short地...
e排忙到連網都無得上...
好辛苦添><
聽日最慘就係長周星期六...又要大清早起身返工...
我聽日仲要幫手睇多元智能班丫...要5點先完....
不過係自願既..都無計....
就黎到星期日啦~今日星期有無人約打排球或者去玩丫!!

第一次凌晨3點打日記丫~kaka
講番今日d野先...都無咩特別= =
經過三日既假期後終於要返工~
今日意料之內多野做~
無咩特別野發生!!
放工後一支箭咁飛返屋企,,
一食飽飯就訓左係張床
因為今晚凌晨要睇波!!!
羅馬 vs 曼魚
可能唔慣咁早訓...所以要碌到12點先訓著...
2點45到4點半起身睇波.....
唉....羅馬輸1:0.....踢得咁好都輸/_\
睇完波依家鬼咁精神...到係返學校慢慢訓..
早抖~~

今日國慶58周年丫!!!不過唔關我事..有假放就得~kaka
約左敏,+6同藍 2點半係土瓜灣室內運動場打羽毛球..
不過果到好鬼大風丫!!陰公...個波識轉彎的....
打下打下有個星仔黎同我地一齊打~
個星仔好鬼搞野嫁~比「佢」地點到暈丫..
之後就行來行去 & 坐左係度一陣...
5點半到就走人~~
嘩嘩嘩~依三日紅假都去左打波丫!!
依三日真係過得好HaPpY^^
下次放假都有咁多活動就好~~
不過打羽毛球就一定要book場打...唔係就....比d風玩鬼..又熱又大風..///