上回講到最近入手的【Bijouna™ 聲波去角質機】∼
開完箱就轉入直路為大家介紹一下我用了兩星期的成果啦∼∼
如欲回顧我的【開箱文】請到：Click here
上回提到如何操作這部機器∼
宜家作少少重溫吧∼
當主機啟動時會聽到｢吱…｣聲∼聲音係會長響直至關機為止∼
產品有｢弱｣及｢強｣調較∼長按2-3秒就是開機／關機∼
轉換｢弱｣／｢強｣只需按制一下便可∼
可按不同部位及肌膚狀態調較∼如果本身係敏感肌膚∼可以先用｢弱｣∼
官方建議每週使用1-2次，每次不可連續使用超過10分鐘∼
主機亦設有自動關機功能，10分鐘後便自動停止！
未正式開始之前，要作一點準備∼
首先，一定要卸好妝及完成清潔好臉部∼
身上有戴飾物或金屬類的東西都要取下（如：耳環、頸鏈及隱形眼鏡等）
如果皮膚有傷口或敏感等問題，就千其唔好用∼
如果使用中途發現有不舒服的地方或皮膚出現問題時，要立即停止∼同最好搵專業醫生作諮詢∼
確定主機有電可以正常運作∼
之後就可以將保濕凝膠平均地搽一層在臉上∼
保濕凝膠在去角質途中要被剷走，如果抹刀不能順暢地移動時，需要再塗上保濕凝膠∼
塗好後∼就可以開始進行去角質程序∼
雖然我皮膚不是好敏感∼但係第一次用∼
最好都係用返｢弱｣∼
一開機就預設左｢強｣∼可以按一下開關制轉為｢弱｣∼
開始前仲要留意：
1) 抹刀不能在同一位置上停留，要以5秒10cm左右慢慢移動∼
2) 更加唔好在同一位置上多次使用∼
3) 主機啟動時，是會聲出｢吱…｣聲，直至主機關閉∼
4) 在皮膚上滑動時都會發出｢吱吱｣聲，這是正常的∼不用擔心∼
5) 最後，眼周及唇部都不可以進行聲波去角質的∼因為果部皮膚比較薄∼所以記緊避開呀∼
為左可以令我的讀者更明白點用∼
我為大家好用心整左Ｄ短片圖，希望你地更明白啦:)
首先，由面頰開始∼
將抹刀放平在皮膚表面，抹刀前頭0.5mm左右位置是向上微彎的一面向面∼
方向就好似湯匙般，打平向前移動∼
由下而上向上慢慢移動（詳細方向請見下圖）
移動時，請放輕力度，不過因為太大力而整傷皮膚∼
抹刀碰到皮膚∼之前的｢吱…｣聲會有少許變聲∼
但我沒有不良反應∼亦沒有任何觸電的感覺∼
之後到下巴位置∼
亦都係由下而上向上慢慢移動（詳細方向請見下圖）
之後就到下巴左右兩旁近口邊位置∼
方向都係由下而上，移至人中位置（詳細方向請見下圖）
接著就係面珠位置∼
方向都係由下而上，從咀邊移至太陽穴位置（詳細方向請見下圖）
之後就到額頭及鼻子位置∼
方向都係由下而上∼（詳細方向請見下圖）
最後就到鼻左右兩旁的位置∼
方向有點不同，就由外至內向鼻方向移動∼（詳細方向請見下圖）
10分鐘後，主機就會｢嗶嗶嗶｣然後自動關掉∼
大家睇下∼做完去角質程序之後∼透明的凝膠變了灰灰色的∼
因為在去角質時，保濕凝膠會被一路剷走∼
保濕凝膠會連同皮膚中的老化角質、油脂及污垢一同被帶走∼
我的皮膚原來是咁多油脂及污垢（沮喪）
好彩多得呢部機幫我皮膚大掃除je∼
P.S 差D唔記得話俾大家知∼用完後，可以用紙巾抹走灰灰色的凝膠∼抹乾淨抹刀便可以了∼∼ :)
又係時候公佈成績啦∼
我已經試用兩星期∼每星期都左用一次∼
（以下所有圖片都是相機原圖， 100%沒有經過修改）
我集中報告T字位及下巴位置∼
因為呢D位置比較易積聚油脂及污垢∼
首先係額頭位置∼
上篇開箱文提到我額頭的角質層相當厚∼是重災區∼
大家睇下∼由未用由用左兩次之後∼
額頭位置明顯光滑左好多∼
同一個燈光之下∼用左兩次同未用之後透白左好多∼
連右手面有少微小的油脂粒（箭咀指示位置）都被推走∼
太神奇啦∼
到鼻翼兩旁∼
沉左係呢個位置的污垢都推走了8-9成∼
這個位置明顯乾淨左好多∼
最後到下巴位置∼
右手面有少微小的油脂粒，又係被推走了∼
勁呀！
最後睇埋整個臉∼
未做去角質之前的臉係比較黃同暗啞∼
兩星期用左兩次之後，臉明顯係比較白左一度∼
而且有透亮的感覺∼而且膚色都均勻左添∼
總結：
用左兩星期【Bijouna™ 聲波去角質機】∼
真係覺得好正∼美容院做Facial又唔可以個個星期去，荷包應該受不了∼
但有左呢部機之後，可以平時係屋企都可以幫到自己做去角質程序∼
用返佢一年∼每星期一次都值回票價架∼
如果有姊妹仲好，可以分甘同味∼一齊用∼變相部機又平左∼
同埋好岩同我一樣皮膚性質的人用∼
因為怕皮膚愈變愈乾而不敢用產品來去角質及磨沙∼
用完之後記得要立即拍上爽膚水有即時收細毛孔作用∼及進行日常的護膚程序∼
咁之後用的護膚品就可以發揮到最大的功效，唔洗浪費啦∼
真係話俾你知∼妳值得擁有的！
（係咁多∼呢個Blog我花左好多心機寫架∼希望你地睇到最尾啦∼多謝收看）
Bijouna™ 聲波去角質機（KBE2700P） Fitboxx價錢HK$988
產品資料：http://www.fitboxx.com/show.asp?htm=health124.htm
Fitboxx網址：www.fitboxx.com/
Fitboxx Facebook：https://zh-cn.facebook.com/fitboxx
日本官網介紹：http://www.bijouna.jp/esthe/kbe-2700p.html
（如果識睇日文可以去呢度睇下∼嘻嘻∼）
免責聲明:
本文章所發表的全部內容均屬個人意見及感受，並不代表該品牌／公司之言論及立場。
如需協助或希望獲得更多有關產品資訊，請直接聯絡該品牌／公司查詢或尋求相關專業意見。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
E-mail : [email protected]
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
|
