今日係大年初一呀！首先祝大家新年快樂！羊年進步！心想事成！身體健康！恭喜發財！仲有祝各位美女們青春常駐！
新的一年第一篇分享文就是化妝啦！
就是我最愛的化妝環節！早前收到HEROINE MAKE的試用邀請！
試用品牌全新推出的【持久亮澤寶石眼影】
我相信HEROINE MAKE應該無咩人唔識∼
不過都簡單介紹一下啦∼
HEROINE MAKE是一個日本的開架品牌∼
化妝品價錢相宜，價錢都是在HK$100內的∼
好多學生們負擔得到∼簡直係學生恩物∼
而品牌的睫毛液更是相當出名好用的∼
而今年有幸試到它們新推出的【持久亮澤寶石眼影】∼
太開心啦∼收到日本化妝品對於我呢個哈日族簡直是興奮啦∼
【持久亮澤寶石眼影】一共有4款顏色組合∼
分別是：
01 絢麗黃啡
02 動人閃啡
03 甜美粉紅
04 玫瑰酒紅
（圖片由HEROINE MAKE網頁轉戴）
而我收到的是∼
HEROINE MAKE持久亮澤寶石眼影－01 絢麗黃啡 HK$89/4.2g
產品雖然是來自日本及是日本製造∼
因為有香港代理公司，所以包裝都有中文字說明產品資料、使用方法及注意事項等資料∼
所以大家唔怕睇唔明點用∼
產品蘊含透明質酸、甘菊萃取及野玫瑰油修護，此成份都是可以滋潤眼部肌膚，不會刺激到眼部肌膚∼
眼影是有4種顏色配合而成，而它的持久亮澤配方，底霜柔滑貼服∼
色澤閃亮，令眼妝更耀目吸引∼
珍珠亮色提升眼部立體感，而主調色彩突顯眼部輪廓，配合使用可塑造層次感∼
深色眼線色調能輕易勾畫立體眼線，可塑造大眼妝容∼
眼影盒蓋是透明的，可以輕易見到眼影的顏色∼
底部有簡易的日文版眼影使用方法∼
眼影盒內附迷你眼影棒一支∼帶出街用都好方便∼
一端是粗身，另一端幼身∼方便控制塗抹份量∼
4色眼影在手上試一試色俾大家睇下先∼
4種顏色分別是：
A=持久底霜
B=珍珠亮色
C=主調色彩
D=深色眼線
眼影質地好潤及滑身∼唔會好多粉粒∼
梗係要試試上眼俾大家睇下效果啦∼
第一步就要用A持久底霜，以手指尖沾取眼影∼
輕輕塗於整個眼窩位置上∼
之後上B珍珠亮色，今次就用到內附的眼影棒粗端沾取眼影∼
輕塗於眼窩3分2的位置∼可以看看我的指示位置∼
接著就是C主調色彩啦∼都是以內附的眼影棒粗端沾取眼影∼
今次是塗於眼皮皺處內，然後暈開顏色，做一個漸層效果，這會比較自然∼
顏色位置不用太刻意，否則顏色分明就會好奇怪了∼
最後，就用到D深色眼線，今次是以內附的眼影棒幼端沾取眼影∼
好簡單∼沿著眼線位置塗上便可∼
其實仲可以畫多少少，可以令眼睛繼續放大架∼
就係用B珍珠亮色塗於下眼角位置，可以塑造日本好流行的淚袋效果∼
然後用D深色眼線塗於下眼線尾部3分1位置∼可以令眼睛再放大一點架∼∼
整個眼影部份完成後，再輕輕夾一夾眼睫毛再塗上睫毛液∼
一個易上手的眼妝就完成了∼
眼睛對比未上眼妝是否放大了一點呢？
總結：
我之前都有用過HEROINE MAKE睫毛液，真係好用又便宜∼
今次用上它們新推出的眼影∼一樣係咁出色∼
眼影質地好幼滑∼而且好貼薄∼而且好易上色∼又顯色∼
｢01 絢麗黃啡｣的色系好易用，平日返工都唔怕太浮誇∼好多人都carry到的∼
如果去飲宴就可以誇少少，將D深色眼線在眼尾3分1位置與C主調色彩重疊，形成一個漸變色效果∼
就可以做到少Smoky Eye的效果啦∼
我試左幾日出街都用佢∼我出名眼油多的人，眼妝都可以Keep到6小時左右∼
之後開始有少少化開，但情況是可以接受的，比我用其他的眼影已經算維持得最耐了∼正正∼
而同系列還有另外3款色系選擇，我怕我忍唔住要自購埋另外3款色系啦∼太好用啦∼∼哈哈∼
＊最後有個小小TIPS俾大家：
化眼妝少不免好容易被掉下來的眼影粉等整花個底妝∼
如果怕整花個底妝，可以一開始先化眼妝∼眼妝完成後先再上粉底架∼
咁就可以確保個底妝乾乾淨淨啦∼∼
希望大家睇完我的小教學都識化一個大眼妝啦∼
如果有咩唔明都可以留言／私訊我架∼
HEROINE MAKE 網頁: http://heroinemake.hk/
HEROINE MAKE Facebook: https://www.facebook.com/HeroineMakeHK
是次產品及資料由品牌提供
免責聲明:
本文章所發表的全部內容均屬個人意見及感受，並不代表該品牌／公司之言論及立場。
如需協助或希望獲得更多有關產品資訊，請直接聯絡該品牌／公司查詢或尋求相關專業意見。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
E-mail : [email protected] / [email protected]
Facebook : www.facebook.com/fingyanwing.makeup
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
|
