這是我第200篇的Blog，不知不覺已經寫了200篇，說多不多，說少不少！

所以今篇Blog想分享一些關於我的事啦！

回顧我這大半年的Blogger生活，真係多姿多彩，每天都過得很充實∼

每天不是忙著為產品影相試用，就是埋首在電腦前面執相排版及打文∼

有時連星期六日放假都要躲在家中趕文∼

我好幸福，有一個好錫好支持我的男人經常伴在我身旁，陪我趕文陪我躲在家中，直至我叫肚餓時陪我落街食飯，真係好多謝我的男人∼

還有1個多月，就是我加入Blogger行列的一周年日子，回顧之前為何加入做Blogger呢？

可能有些跟我比較熟的Blogger朋友都提及過，我是由另一個Blogger年糕帶我入行的！

大家都應該她嗎？我跟她是要好的朋友，相信也是公開的秘密！

大家經常看到我們一起出Event，也經常互Post合照都應該猜得到吧！嘻嘻！

其實我跟她是中學同學，至今已認識超過十多年吧（年齡是女人的秘密，你懂的！）

一直跟她是認識的，但不是很混熟的程度，可能我小時候為人比較怕羞加超級慢熱∼

到中學畢業之後，大家都沒有再聯絡，直至Facebook的出現，有個功能是可以搜尋出你小時候認識的朋友（相信大家會知道是什麼一回事），就互相Add返大家做朋友咁就可以Keep in touch啦！

在上年年頭，我就因為興趣而去修讀新娘化妝課程，我都有在自己的私人Facebook不時post下化妝／練妝時的相片∼

這時，已多年沒有與我溝通過的年糕就膽粗粗Inbox搵我，問我有關化妝的問題／問我幫人化收幾錢之類（詳細都不太記得，只係記得有關搵我化妝的問題）

之後我們藉著化妝的話題就開始混熟了∼

她也藉機叫我跟她一同做Blogger可以和她一齊去出Event同間唔時有產品試用，也可以藉此宣傳下自己的化妝工作等等∼

之前我也一直有打Blog的習慣，是關於旅遊的（簡單的紀錄遊記），但自Facebook的出現就開始懶起來！

近年都想重拾返打Blog的樂趣又不知從何入手，分享什麼比較好呢？

在年糕的推波助瀾下，我就由上年10月中左右開始加入Blogger行列，所以就可以讓大家認識我！

Blogger跟化妝只是我業餘的興趣工作，我是有正職工作的，所以我現在真是想一日有48小時也分配我的工作及興趣！

雖然是忙，但忙得好開心呀！連身邊熟我的同事都Feel到我D正能量，成個人都唔同哂！哈哈！

∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼

我太長氣喇！唔知大家有冇睇哂呢？

其實這次的重點，就是想分享我在兩個月之前，練妝及拍攝化妝Demo相！

就是找來年糕來當我的練妝Model！

多謝她二話不說，一口答應我！非常感謝她！

這次是我跟兩位化妝同學一齊練習的，因為同學仔新租左間Studio，所以就可以有地方可以練妝啦！

每次出job或練妝我都準備充足，因為工具太多每次都要拖0急出去的！

再加上她的朋友義務幫我們拍攝Demo相片，他們太專業了，把所有器材都帶過來，還可以即時在電腦睇相！

日前官方相片原圖都已經取到手啦！

我精選D相片俾大家欣賞下！

年糕超稱職，Pose表情多多，完全係交足戲呀！影出黎效果好好，我好中意呀！

再次多謝年糕抽出一個下午時間俾我呀！

最後在此預祝妳12月的大日子一切順利！新婚快樂！一直要幸福下去！做個開開心心的靚太！我等住收妳下年封新年利是架！KEKEKE！

我真係好喜歡幫人化妝Set頭扮靚架！

見到人靚靚自己都好開心∼所以就算工作/Blogger生活再忙都好，都會抽時間去做我原本想做的事！

之後還會不定期去練妝影DEMO相，如果有興趣做我Model的美女們，歡迎妳自薦架！留個言／Facebook Inbox我啦！

我會mark低，下次需要Model就會搵你幫手啦！先行謝謝各位美女！

多謝收看(≧∀≦)べ

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作 
Wing Ho
E-mail : [email protected] / [email protected] 
Facebook : www.facebook.com/fingyanwing.makeup

Instagram: FINGYANWING.MAKEUP

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊