新年及西式情人節都過了∼沒有藉口去食餐好？你就大錯特錯了！
今年是跟男友準備步入在一起的第11個年頭，大時大節我地都已經唔會跟風同其他人出街迫，同埋捱貴餐，或者是互送昂貴的禮物∼
無謂為左要＂曬＂一時的幸福而同自己的錢對著幹啦∼對不對？
所以我們就選擇了一個平平無奇的晚上去食餐好，一來又經濟D，二來又唔洗其他人迫同爭位！
我在尖沙咀返工，每天搭車都會見到跟我一樣同名的餐廳「Wing’s Kitchen」已經很想找天來試試∼
目標明確，又怕去到沒有位，所以我就預早幾天Book了枱，男友就等我放工一齊去食晚飯啦！
Wing’s Kitchen近尖東那邊，在寶勒巷的街尾，在尖沙咀MTR P3 出口步行幾分鐘就到達，地理位置好易搵！
餐牌除了有好多不同的菜式可以散叫外，還有1人, 2人, 4人, 6人及8人的Set Dinner，比較過叫Set Dinner化算一些！
我們就點了這個HK$428的Luxury Set Dinner，有前菜、餐湯、主菜、甜品及餐飲！
餐廳在環境比較西式優雅，座位之間唔會太迫，仲有一邊係Window Seat！
餐湯是白湯，即係磨菇忌廉湯，磨菇湯好Creamy，味道不會過咸或過淡，入面仲有好多配料，有磨菇粒和薯仔粒，富有口感，好驚喜！
但可能天氣比較冷，遞上湯時熱度不太夠，如果可以再熱一點會更好！
沙律菜好新鮮爽口，配上幾片矜貴的帕爾瑪火腿，帕爾瑪火腿帶點咸味，再混上微酸的香醋汁，令人胃口大開，是一個好開胃的沙律前菜！
跟餐是包熱的咖啡或茶，如果要轉果汁或凍飲要另加$3，其他特飲或Mocktail就要另加$15，再高級D飲House Wine就另加$20！
我們就點了朱古力特飲，因為我是朱古力控，所以見有朱古力飲就二話不說選了！
而朱古力特飲上面有滿滿的Cream，拌勻Cream之後，朱古力飲落就會更滑更Creamy啦！
這是男友點的西冷扒，跟扒可以選配薯條／薯蓉，我們就選了薯條∼
西冷扒點了5成熟，而旁邊有些蔬菜菇及車里茄做伴碟∼
西冷扒不算厚身，不過面積幾大，份量好足夠，而西冷扒的厚度可能比較薄身，煎得有點過火至8成熟，不過也是不錯，好有牛味，易咬開，咬開時肉汁也很Juicy，正！
極喜愛食意大利燴飯的我就點了這個，完全是我杯茶，更有帶子及黑松露醬，沒可能不點這個！
上面有3粒好厚身的帶子，外面煎到微香，而帶子入面是Keep住生的，半生熟的帶子好Juicy好有口感，又有帶子的鮮味，正！
意大利燴飯是微帶芝士味的白汁煮成，再將黑松露醬混和意大利燴飯，燴飯的熱力慢慢將黑松露醬的香味散發出黎，好香黑松露味，食完一口接一口停不下來，而飯粒煮得剛剛好，不會過硬或過淋，好正呀！
這個甜品超有驚喜呀！本來對它沒有太大期望，但食落有好香的士多啤梨味！
好Q彈的布甸好香好滑，上面再淋上少量的士多啤梨醬，連少吃甜品的男友都大讚這個布甸好出色！
平時我們去一些比較高級少少的餐廳食西餐都比較偏貴，不是人人都可以負擔得到，而這間平凡的餐廳價錢屬中價，都竟然有出色的西餐可以品嚐！
雖然當晚餐廳內客滿，但侍應都能每枱照顧到，續一上菜，不會一次過上哂枱，讚！
不需要特地應節才可以去嘆有質素的西餐，平日偶爾跟另一半去這些中價的西餐食餐好的浪漫一下，給大家一個獎勵，才會有動力繼續工作！
P.S. 如果要星期六日晚上前來用餐，如果不想摸門釘，記得盡早訂枱，因為我們當晚都已Full Booking，不接受Walk In客了！
Wing’s Kitchen
地址：尖沙咀漆咸道南45-51號其士大廈地下C及D舖
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
|
