「八幡屋涮涮鍋」是一間非一般的日式放題店，它主打是日式火鍋放題，除了有牛和豬之外，竟然有意想不到的驚喜！
我們晚上約7時就去到，因為事前已經訂座，所以好快就可以入座，入座前就先選湯底及牛肉等級，牛肉等級就是有價錢之分，我們就選了「嚴選黑毛和牛」HK$298一位，用餐時間90分鐘！
我們就點了一個鴛鴦湯底，分別選了蕃茄濃湯及骨膠原豬骨湯底∼
除了任食牛肉豬肉放題外，店內都擺放著不同的食物及飲品∼
先來調味區，唔好以為日式火鍋放題就只有日式調味料選擇，這裡都因應客人不同的口味而提供港式的火鍋調味料，如香蒜、蔥花及辣椒等∼
有多款的凍餅、Jelly杯、朱古力噴泉及各式雪條雪糕等等∼
真係第一次Shabu Shabu係有朱古力噴泉同埋甜品櫃架∼直頭以為自己去左酒店食自助餐咁！
睇到呢到就覺得自己即時有選擇困難症，樣樣都好想食！哈哈！
一大個飲品櫃可以任飲，成個7仔雪櫃咁，選擇十分之多！
我們的套餐是可以選食美國進口牛肉、特選美國牛肉及嚴選黑毛和牛，所以每款都叫了一點∼
相片中是黑毛和牛，比較一下黑毛和牛同美國牛肉的分別∼
基本上兩款都有牛肉味，分別是黑毛和牛比美國牛肉比較濃牛肉味一點，而且黑毛和牛的肉質比同美國牛肉鮮嫩一點，但美國牛肉也是不錯的！
因為牛肉一般比較易熟，如果煮太耐會令肉質變老變粗糙∼
所以要食的時間先可放入鍋中，煮到剛到變色就可以食啦∼
醬料方面，我就取了芝麻醬及豉油加香蒜，日式及港式都拎齊！
另加每人加HK$50就可以有星級體驗，可以任食海鮮∼
呢款熊仔丸類好可愛，食落跟普通的魚片沒太大分別，不過它們實在太吸晴，所以就吸引到我了！
這個櫻花果凍（正名：水信玄餅）好特別，是日本近年好流行的甜點∼
飲品都只係一人選了一款，因為真係好多野食，冇時間飲野，哈哈！
這一餐真係食足90分鐘無間斷，食物種類多，雖然不是款款都是極級好味，但有任食的和牛加任選的食物配料、甜品熟食都一應俱全∼真係滿足哂不同客人的需要！
整體覺得好好，好適合一大班人去食，一人俾一個價錢就唔怕邊個食得多食得少，平均分得不勻啦！
八幡屋涮涮鍋
地址：旺角彌敦道628號瓊華中心12樓全層
Instagram: FINGYANWING.MAKEUP
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
|
