我跟男人都是一個哈日族，男人突然跟我說好想去食好多好多刺身！

所以我就帶佢去食放題，滿足一下他的刺身海願望！

好友近期推介「八幡屋日本料理」給我，他第一句就跟我說刺身好新鮮，所以有機會就會一會佢啦！

「八幡屋日本料理」位於旺角兆萬中心，坐位不算很多，但坐位都不算太迫，坐得舒服！

旁邊都有一個壽司Bar，可以見到幾位師傳係度忙於工作中！

我們是平日晚上用餐，一位價錢HK$198任食兩小時！

另加HK$50可以升級體驗生蠔、赤蝦及珍寶帶子等任食！

留意大家唔好浪費呀！食幾多點幾多！

這裡的食物款式很多，分別有刺身、壽司、手卷、沙津前菜、燒物、炸物、小食、其他日本鍋物、炒飯、飲品及甜品！

先點個飲品∼

第一時間當然就點了男友至喜愛的刺身啦！

分別有三文魚刺身、赤蝦、虎蝦、八爪魚、油甘魚、吞拿魚及珍寶帆立貝，好豐富呀！

赤蝦好大條，食落好鮮甜爽口！

當然有我都好喜愛的三文魚刺身啦∼

片片都切得好厚身，絕無吝嗇！

油甘魚都好爽甜！

整體的刺身都好新鮮好正！

不過珍寶帆立貝就被切成一小件，不能大口大口食有點失望，唯有食多幾粒補數！

好味的要Encore架！哈哈！

接著就是壽司了！

黑松露油甘魚壽司（左）

鰻魚壽司（右）

我們是被黑松露吸引了，雖然只有少量黑松露，不過配搭油甘魚出奇地夾！

這是升級體驗送的手作壽司，擺放得好靚好精緻呀！

黑芝麻包著的是有少量金箔的海膽，下面有吞拿魚腩∼

而接著就有帆立貝加黑松露∼

想不到放題都有精緻的壽司，不只是外表美，食落都一樣美味∼

好鮮味的刺身∼正！

每件都唔大件，可以一口一粒，唔洗食到咁飽，可以等個胃多D空間食其他美食！

日式蒸蛋是升級體驗才可以點的！

蒸蛋好滑身，入面有冬菇、蟹柳、魚片等配料，好有口感！

接著就到炸物天婦羅，每樣都點了少少∼

即叫即炸，熱騰騰的上碟，亦都炸得剛剛好，金黃色的∼

而且炸粉不會太多，好脆身，沾上天婦羅汁好好味！

南蠻炸雞中翼（左）

燒粟米＋芝士大蝦金龍船（右）

南蠻炸雞中翼是即炸的，上碟時好熱騰騰，好香帶點微辣，好惹味，要encore！

在放題內，好少粟地是原支奉上，微微燒燒表面好香，可以食到粟米的原汁原味∼

而芝士大蝦金龍船有點點名過其實，大蝦就不是，是普通Size的中蝦，不過加了一些芝士及沙律醬作調味焗表面微焦，幾香幾入味！

將軍沙律（2人份量）

見到的推介的沙律，所以就點了一份Share食，入面有溫泉蛋，芝麻醬加新鮮蔬菜∼

將半熟的蛋汁混合在一起，好清新好美味！

日式味噌炒蜆（左）

辣味螺肉（右）

味噌汁我個人覺得比較偏咸，迷你蜆沒有特別！

而辣味螺肉是我的至愛，好好味，一口接一口好快就食哂，又要再Encore！

大蜆味噌湯

味噌湯好清，內有一件蜆及其他蔥花配料，不錯！

日式牛肉鍋

日式牛肉鍋內有肥牛、有菜，上面有隻生蛋，湯汁帶點甜味，不錯！

日式炒野菜

炒菜上碟時都係熱騰騰，最特別係上面加了木魚，混合一齊食好有日本風味！

羊架＋汁燒豚小扒（左）

鹽燒牛舌（右）

羊架是男友點的，不能評論，而汁燒豚小扒肉質好淋好易咬開，醬汁好香好惹味！

而鹽燒牛舌好爽身，咸度適中！

櫻花水信玄餅（左）

烤朱古力香蕉＋富士蘋果一口大福（右）

水信玄餅是日本近年新興的甜點，估唔到食放題都可以食到，好Q彈口感於硬身少少的Jelly，不錯！

烤朱古力香蕉是男友點的，也不能評論，而富士蘋果一口大福好似糯米池一樣，好香的蘋果味，一口一粒Size岩岩好，唔洗怕太大試唔到其他甜點！

後記：

整體的食物質素不錯，刺身壽司類尤其出色，好鮮味！

也沒有漏單情況，落單後都好快都把食物送到，而食物大家都是熱騰騰，即叫即做！好滿足的一餐放題，連高要求的男友也大讚刺身新鮮好味！

八幡屋日本料理
地址：旺角西洋菜南街1N兆萬中心9樓

Facebook: https://www.facebook.com/yahatayahk

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
E-mail : [email protected] / [email protected]
Facebook : www.facebook.com/fingyanwing.makeup

Instagram: FINGYANWING.MAKEUP