Happy Friday帶媽媽去食好野啦∼

一向愛好日本料理的我就帶她到附近的Mega Box食飯，平時星期六日行過都見好多人排隊，所以就選了平日晚上前來，人流比較少，等位都易D！

「日和号壽司料理」位於Mega Box十樓Food Court位置旁！

店內很大很寬敞，座位之間有一定的距離，而兩旁的卡位就好似坐上列車上一樣，好特別∼

入門口一旁就有好大的壽司吧位！

當中最吸睛就是門口就見到入面有架日本列車，喜歡火車的粉絲或小朋友應該相當興奮！

我們就坐上”列車”睇下有咩岩食先∼

它們主要以日本料理為主，刺身、壽司、沙律等小吃都一應俱全！

另外，它們近期仲推出左一個雙重芝士海鮮火鍋燒，試食價都只係HK$268，好似好吸引，最後就決定叫一個，之後加了少少刺身同沙律！

油甘魚、三文魚（HK$68）

因為行經過大大的壽司吧，就引起我跟媽媽的刺身引，所以就點了一客！

一客各有三片油甘魚及三文魚！

上碟時底下有冰塊冰凍住刺身，可以確保新鮮！

而每塊刺身都好厚身及好大片，比平時食到的基本上係2片的份量∼

所以在這裡食刺身絕對唔算貴，而且刺身鮮味，沒有因為解凍不足而有雪味，啖啖肉，不錯！

三文魚青蘋果沙律（HK$48）

知道一定會吃一點重口味，所以就點了一份沙律，一來可以增加食慾，二來又可以清清腸胃！

雖然只是一碟四十多元的沙律，但製作都十分用心，青蘋果片切得好薄，三文魚刺身上的花花弄得好美！

再淋上帶微酸甜的沙律醋，配合清甜的沙律菜好開胃，好爽甜呀！

除了沙律菜，還有青瓜絲及車厘茄，口感非常豐富！

雙重芝士海鮮火鍋燒（HK$268／兩人份量）

接著當然就是主角出場啦！

我也是第一次接觸呢個一鍋兩食的煮法，中間有濃濃的蕃茄湯底，而職員就遞上一杯芝士醬及一杯芝士碎，雖然都係芝士，但就有唔同的食法啦！

職員都續一講解之後，我地就開動啦！

話到明一鍋兩食，即係有得燒同埋有得放湯煮！

先上一份有牛仔骨、極上牛肉片、鮮雞片及冬菇！

之後就有海鮮類，有帆立貝、青口、生蝦、香滑豆腐、鳴門卷、茄子及時菜！

仲有好吸引的香脆薯角及粟米，是配合芝士醬食架！

仲有白飯一碗，當然唔係就咁食啦∼

食材已經上齊就可以開始啦∼

其實除左極上牛肉片及時菜放湯食之外，其他我們都係用鍋外圍的鐵板來煎熟的！

冬菇慢慢烤，可以烤至表面有點金黃微焦就可以食得，如果覺得味道太單調就可以加上一點芝士醬食用，好味！

之後就燒海鮮啦！

原汁原味，好鮮味！

最吸引的香脆薯角及粟米，當然立即放在鍋上燒一燒啦∼

加上芝士醬混合一齊，芝士醬好香，一D都唔膩又唔”SO”，連平時少食芝士的媽媽都覺得好味！

唯一放湯的極上牛肉片，蕃茄湯底好濃厚，仲有厚個蕃茄在內一齊滾！

牛仔骨好正，不過唔好燒太耐，否則肉質會變得難咬，醃料味道剛剛好！

當然就不停食芝士醬混薯角啦！

食到尾聲就介紹一下個白飯點食啦！

就係可以整個放入蕃茄濃湯中，之前未落過的芝士碎就在此可以用啦！

按喜好加入芝士碎再煮一陣就可以食啦！

試過唔加芝士碎，味道會比較酸，而加入芝士碎，可以中和酸度，變得惹味好食，蕃茄味好正！

米飯吸收左蕃茄湯底，質地似意大利米一樣，中西混合的味道，好特別，好好味呀！

後記：

第一次食到呢個一鍋兩食的芝士海鮮火鍋，真係好特別呀！

未食呢個鍋之前都有少少怕芝士會好”流”，但係食左之後就覺得唔好，芝士味不太濃，同蕃茄簡直係絕配呀！

值得推介！

日和号壽司料理
地址：九龍灣宏照道38號Megabox 10樓5號舖

Facebook: https://www.facebook.com/NipponSushiDining

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
歡迎合作試用．邀稿．出席活動．化妝工作
Wing Ho
E-mail : [email protected] / [email protected]
Facebook : www.facebook.com/fingyanwing.makeup

Instagram: FINGYANWING.MAKEUP

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊